Popular Bible Verses from Hinangan 5

Share

Nambung si Petros duk meꞌ aꞌa kawakilan sinduwehin, paꞌinde, “Subey iye tuhut kami pangandaꞌakan Tuhanin, dumaꞌin pangandaꞌakan manusiyaꞌin.

Duk kahabaꞌ ellew matuyuꞌ siye magusihat laꞌi dem langgal hadje duk laꞌi si meꞌ kalumaꞌan meꞌ aꞌahin. Duk magmahalayak ne paꞌin siye aka-aka hāp sabab Isa Almasihin.

Paꞌin si Petros si iye, “Ananiyas, weꞌey pasagadannu nakuraꞌ seyitanin magbayaꞌ dem ateynu, hangkan kew magdustaꞌ si Niyawa Sutsihin? Sabab inennaꞌ weꞌ nu uli bulaknun sinduwe. Tiggelan gaꞌ miyaꞌan tapabellinu, dumaꞌin ke miyaꞌan si kaꞌu du? Duk sakaliꞌ miyaꞌan tapabellinu, dumaꞌin ke kaꞌu du magbayaꞌin bang inumey ulinen? Weꞌey tapikilnu maghinang sa inin? Dumaꞌin manusiyaꞌ pagdustaꞌannun saguwaꞌ Tuhanin.” Pagkale Ananiyas meꞌ bissā miyaꞌan, magtawus iye hebbaꞌ matey. Duk kēmon makakale sabab kamateyne miyaꞌan, paꞌasekan talew teꞌed.

Hangkan kuweꞌitu sessaꞌante kaꞌam sabab palkalaꞌ inin,” paꞌin Gamaliel. “Daꞌa usaꞌun bi meꞌ aꞌa inin. Pasagadanun bi siye. Peggeꞌ bang pikilande duk hininangde inin amban manusiyaꞌ, gaꞌ du iyan niyaꞌ pasōnganne. Saguwaꞌ bang inin amban Tuhan, asal gaꞌi siye tapagesbi. Bisan miyaꞌan kaw pe kaꞌam nungkaꞌan Tuhanin.” Manjari pinakale weꞌ meꞌ kakunsihalanin panessaꞌne miyaꞌan.