Popular Bible Verses from Luka 6

Share

Pasani andzanu, tenepa Mulungu anadza kakupasanimbo na n'dida wadidi, wakukhomerwa mbautsindirwa, pontho wa kudzala na mubvu. Thangwi na n'dida ubodzi-bodzi unapimira imwe andzanu, munadza kapimirwambo na n'dida unowu.”

Munthu wadidi, asabulusa pinthu pyadidi pidakoya iye muntima mwace. Munthu wa kuipa, asabulusa pinthu pyakuipa pidakoya iye muntima mwace. Thangwi mulomo wace usalonga pire pidadzala muntima mwace.

Mphapo funani anyamalwa anu, acitireni udidi, muabwerekese mbamukhonda kudikhira kubwezerwa cinthu. Na tenepo, muwoni wanu unadza kakhala ukulu, pontho imwe munadza kakhala ana a Mulungu wa kudzulu kakamwe, thangwi Iye ndi wadidi kuna ale anakhonda kucita takhuta na anyakuipa mitima.

Khalani anthu a ntsisi ninga Baba wanu ndi wa ntsisi.

“Lekani kutonga andzanu, tenepa imwe nkhabe kudza katongwa na Mulungu. Lekani kukonesa andzanu, na tenepo imwe nkhabe kudza kakoneswa na Mulungu. Lekererani andzanu, tenepa imwe munadza kalekererwambo na Mulungu.

“Mbwenye Ine ndisakupangani imwe munandibva kuti: Funani anyamalwa anu, citirani udidi kuna ale anakuzondani. Acitireni udidi ale anakupasani dzedze, phembererani ale anakucitani kuipa.

Citirani andzanu pyonsene pire pinafuna imwe kuti iwo akucitirenimbo.

Munthu anakumenya phutu ibodzi, mpasembo phutu inango. Munthu anakukwatira kapoti wako, nsiye akukwatirembo na kamiza ene ya m'bwalo. Onsene anakuphemba cinthu apase. Pontho munthu anakukwatira cako leka kum'phemba kuti akubwezere.

“Nkhabe muti wadidi unabala misapu ya kuipa, peno muti wa kuipa, unabala misapu yadidi.

Thangwi miti yonsene isadziwika na misapu yawo. Nkhabe munthu anachoda malembe pa miti ya minga, peno mauva pa psepse.