Popular Bible Verses from Luka 5

Share

Pidamala Yezu kupfundzisa, apanga Simau kuti: “Kwata bote yako uyende pakati pa boo. Penepo, iwe na andzako gwisirani makokota anu.”

Apo Simau atawira tenepa: “Mpfundzisi, ife taphata basa masiku onsene, nkhabe nyama ibodzi idaphata ife. Mbwenye thangwi ndimwe adandipanga, ndinaagwisira.” Pidagwisira iwo makokota awo m'madzi, aphata nyama zizinji, za kuti makokota akhatoma kupanduka.

Mphapo Yezu akhabuluka mbaenda n'thando kwenda kaphembera.

Ine sidadza kacemera anyakulungama tayu, mbwenye ndadzera anyakudawa toera achunyuke.”

Simau Pedhru na kuona pyonsene ipi pidacitika, agodama pa myendo pa Yezu mbalonga tenepa: “Mbuya, bulukani pana ine thangwi ndine munthu wakudawa.”

Yezu aatawira tenepa: “Angumi nkhabe kufuna nkondzi, mbwenye atenda ndiwo anafuna nkondzi.

Penepo, amuna awa akwewa mabote awo mbaatsamisa pa gombe, mbasiya pyonsene mbatowera Yezu.

Yezu pikhakhala Iye mu nzinda ubodzi, agwanda mamuna m'bodzi wakudzala na matanya m'manungo monsene. Nyamatanya pidaona iye Yezu, agodama patsogolo pace mbafikisa nkhope yace pantsi, mbam'phemba tenepa: “Mbuya, mungafuna munandiwangisa.” Yezu afuthula nkono wace, an'khuya mbalonga tenepa: “Ndisafuna, iwe waceneswa.” Pa n'dzidzi ubodzi-bodzi, matanya amala.

Mbwenye mbiri yace Yezu ikhamwazikiratu m'mbuto zonsene. Na tenepo, anthu azinji akhabwera kamubva na kuwangiswa nthenda zawo.