Popular Bible Verses from Romã 5

Share

Ajamã'ẽ Janejare'e janerauvay ipi. Ajawyi nivoi epe jaiko remẽ, omuroka jẽ tesõ Kiristu tomãnõ janeupewarà mõ, ãwisõ tijamãnõ e'ã janeaiwererà reve ky'y. A'evo omojikuwaokapa janerauvaya janeupe.

Janejare'e remime'ẽ ãrã kõ siãrõ jẽ remẽ, nisiãrõ pãnẽ'ãi jaiko ãmẽ ipi. Janerauvay wete rewarà mõ omẽ'ẽtà siãrõ mã'ẽ janeupe. O'Ãg tẽ tesõ oinõma janepy'a pupe janerauvaya mojikuwapa mõ.

Ãmõ, a'e kupei kyty, jajimomorijau ipe remẽ, janerory jẽ jaiko. Sikuwa jajimomorijaua rupi jajimokasi jẽ ee remẽ ywesõ jajimomãatã ee jaiko ipi. A'evo jajimomãatã ee jaiko remẽ, emimota rupi katu jaiko. Ipy'a rupi katuwarà kõ rõmõ jaiko ãmẽ ipi. A'evo remẽ, jajimokasi jẽ emime'ẽ ãrã rè jaiko ipi.

Ajaate age'e remẽ Janejare'e ojimorypa kõ rõmõ janerereko ky'y, “aje” ja'e ijupe remẽ. “Ivo mã'ẽ tè ãwĩ” e'i janeupewarà mõ ãmẽ ky'y. Janerõvijã Jesu Kiristu omãnõ janeaiwererà kõ repykarà mõ rewarà mõ a'evo janerereko ky'y. Janeporijauesa janerereko, Wa'yry mãnõa rupi. Ajawyi janepy'a katu jajirovija ee jaiko ipi. Janeroryvay amãtejẽ ipyri jaiko tarà mẽ jaiko ipi. Ãmẽ ywesõ ikatuay wetetà jamã'ẽtà ee.

Aje ywete janerauvay janerereko ipi. Emã'ẽ. Manyvo nija'e'ãi jajireko katu janeaiwererà wyi mijã remeve Kiristu Uu ayvu rupi omãnõ janeupewarà mõ. Ava jẽ rõwã a'evo kuwa ekoi.

Ajawyi Janejare'e tè janeaiwererà wekyipa janewyi ky'y, Kiristu omãnõ janerekovijarerà rõmõ yvyra jipokana rè remẽ. Nomo'y'ãi janeaiwererà janere ãmẽ ky'y. Nijanemomorijau'ãi eewarà mõ ky'y. “Ivo mã'ẽ tè ene” e'ipa janeupe ky'y.

Tãmõ Atão itõkõ noerovijai tite Janejare'e. Ajawyi waiwea rupi poromoaipa pirujẽ poroereko. Emã'ẽ. Pe'ĩgà mã'ẽ rupi jane kõ ojimoaiwepa 'ejẽ iko ipi. Na'evoi ãmẽ Jesu. Uu ayvu werovija mã'ẽ rupi poromokatu tè ãmẽ Jesu. Jesu reko katua rupi “ivo mã'ẽ tè ãwĩ” eu kuwa pe'ĩrõwã jane kõ pè ky'y. [Ivo katu mã'ẽ rõmõ Janejare'e janerereko, “aje” ja'e ijupe remẽ.]

Ajawyi tè age'e remẽ, “Ejimorypa tè ene ky'y”, e'i Janejare'e janeupewarà mõ, Janerõvijã Jesu Kiristu rewarà mõ. A'e rupi ojimory katu janere iko ky'y. Ajawyi janeroryvay wete Janejare'e janerereko katua rè jaiko ky'y.