Popular Bible Verses from Maku 14

Share

Aepo e'i paire Jesu wãime sa'u oo. A'e rõmõ'ĩte oo ky'y. Ojimoenãpa'ã ojayvy yvy pè upa. Uu pè oporegeta upa. Kee e'i: – Emomorijaua rã rè ajimopirai, Papa. Akuwa naikoi iwasu mã'ẽ neupe. Nepota manyvo terereko tajimomorijau e'ã remẽ, i'ete. Ajamã'ẽ manyvo nere tari terereko katu jimomorijaua wyi remẽ, i'e teve. Tajimomorijau ãmẽ, e'i. Neremimota rupi tè ta'evo aiko ãmẽ, e'i Jesu oporanu Uu pè.

Age'e peke tite ky'y ne! Tapemãrãmoa'u jẽsi pekupa. Janejare'e pè ikõ peporegeta pejimokasi rõmõ peiko nẽ. Kee pejẽ: “Janejare'e, oremokasi rejupa, toroity tite e'ã”, pejẽ ikõ peporegeta ijupe nẽ. Aje, pepy'a pupe pepota pekasi jẽ peiko. Ajamã'ẽ ajaire waypetetà peupe. Pevote napekasi'ãi. Ereity ywe'e titetà ejukatà kupa remẽ pekupa. Ajawyi ikõ tapejimokasioka Janejare'e pè peiko nẽ, a'e pejẽ, e'i Jesu ijupe kõ.

E'i jẽ Jesu ijupe kõ: – Kee tapeenu ikõ nẽ! Aje, kãramõ pirujẽ maipewarà rupi Janejare'e ayvu e'eay erewarà ojenutà okwa remẽ, aã wãivĩ rewarà omojenu jẽtà teve erokwa kupa. Agyvoa noje'o'ãi eewarà, e'i Jesu ijupe kõ.

Kee e'i ãmẽ ijupe kõ: – Ayay tesõ eãgyoa epy'a pupe. Amãnõ 'ejẽ tesõ. Erãrõ rã'ĩ ike pekupa. Tapemãrãmoa'u jẽ ikõ ajamã'ẽ peiko, ereve nẽ, e'i ijupe kõ.

Ojimi'u kupa upa remẽ, Jesu meju opyy. Omoete Janejare'e ee. Ajaire openo peno imosãi erokwa wemimo'ekwerà kõ pè to'u kupa. – Aã pepyy iwa. Epirà ra'upa tè aã meju ame'ẽ tape'u, e'i. O'u ãmẽ kupa.

Ãmẽ ajaire Jesu uvary aisiriri katu mã'ẽ rena opyy, kaneku. A'e rè omoete mijẽ Janejare'e. Ajaire ome'ẽ erokwa to'u kupa. O'u ãmẽ kupa, pirujẽ. Kee e'i Jesu ijupe kõ: – Eruwykwerà ra'upa tè aã uvary aisiriri katu mã'ẽ ame'ẽ tape'u. Kee jaa tè agyvoa. Ije amãnõtà penekovijarerà rõmõ. Eruwykwerà opeità. Emãnõa rupi mõa'ãrõwã mirà kõ aiwererà amoepypatà. Ajawyi Janejare'e “awyjepa” e'ità peaiwererà kõ pè ky'y. Ovo rupi teve Janejare'e penerekotà emãnõa rupi ky'y, e'i ijupe kõ.

Ãmẽ oo iko kupa remẽ, Jesu kee e'i wemimo'ekwerà kõ pè: – Ke'ĩ pejavatà ereity peo pekupa pemonyia rè, e'i. Ejukatarà kõ uu epyy remẽ, a'evo peikotà, e'i. A'evoa rã rè Janejare'e okusiwaokapa amãtejẽ karamoe remẽ. Aekwerà rupi katu tè a'evotà peiko, e'i. Kee e'i maekwerà rupi: “Kaneiru jarà ajukaokatà. Ãmẽ eimawerà kõ onurutà ojava oo. Ojimosãsãimatà ojava oo kupa”, e'i maekwerà rupi katu a'evotà peiko, e'i.

Pepõ'ã! Ja'e jẽsi! Eãpã kõ po pè eme'ẽtà mã'ẽ uu iko, e'i ijupe kõ.

Ãmẽ Jesu e'i Peturu pè: – Aje kee a'e ene! Age'e pya ereitytà neo! “Jesu nakuwai”, ere ã'ãtà eupewarà mõ. Moapy rõmõ tesõ aepo ere ã'ãtà. Masakara oje'ẽ mõrijõ rõmõ e'ãve a'evotà erereko rejupa, e'i Jesu ijupe.