Popular Bible Verses from Rukasi 5

Share

Ajaire poromo'e paire, e'i Simão pè: – Eraa yarà typy sa'u mã'ẽ pè, e'i. A'e pè pira mo'auta kõ peinõ yy pè, pira mõ tojimo'a ee, e'i.

Ãmẽ e'i Simão: – Poromo'earà, orekõ'ẽma 'ete ipe pira rè oroiko, e'i. Noroekyi 'ete pira mõ. Ajamã'ẽ neayvu rupi oroinõtà tè pira mo'auta esa ajawyi, e'i. Weraa pira mo'auta inõ ãmẽ kupa. Soõ, pira omo'au mõa'ãrõwã ky'y. Omokekeipa tesõ pira omo'auta upa. Ajawyi pira mo'auta omõtã tite kupa. Ipowyijay tesõ pira ee. Wekyi tarepe yarà pupe inõ kupa.

Ajamã'ẽ Jesu ojisyry rã'ĩ oo tekoe'ãma kyty ipi. Uu pè oporegeta iko ipi. A'e rè ojimokasi iko ipi.

Ãmẽ aepo e'i kupa remẽ, Jesu tè kee e'i ijupe kõ: – Emã'ẽ! Poropõanõgarà rè tè ajimosã'ãgatà. Imãrãne'ãgwerà kõ nojipõanõokai poropõanõgarà pè ipi. Itekorã mãe kõ tè ojipõanõoka ipi. Ãwitõ poropõanõgarà uu itekorã mãe kõ mokatu, ãwĩvo 'ejẽ ije ajo pepõ'õ mè mijã. Nivoi mãe kõ rè tè ajo aposiko, tojimosĩoka waiwererà reitypypyioka Janejare'e pè kupa ky'y. A'e rapijarà tè ije. Ajawyi, “Ivo tè aiko”, e'i tite oupe mã'ẽ rè rõwã ajo. Nivoi mãe kõ rè tè ajo, e'i Jesu.

Ãmẽ a'evoa rè omã'ẽ Simão Peturu remẽ ijãgyoay tesõ ojipy'amogeta. Ãmẽ ovãe ojimoenãpa'ã Jesu rovake. Kee e'i ijupe: – Jõvijã, nivoi mã'ẽ rõmõ tè ije, e'i. Ajawyi nerepyta tari epyri. Terejisyry epyri wyi, e'i wãgyo rõmõ iko.

Ãmẽ aepo e'i kupa remẽ, Jesu tè kee e'i ijupe kõ: – Emã'ẽ! Poropõanõgarà rè tè ajimosã'ãgatà. Imãrãne'ãgwerà kõ nojipõanõokai poropõanõgarà pè ipi. Itekorã mãe kõ tè ojipõanõoka ipi. Ãwitõ poropõanõgarà uu itekorã mãe kõ mokatu, ãwĩvo 'ejẽ ije ajo pepõ'õ mè mijã. Nivoi mãe kõ rè tè ajo aposiko, tojimosĩoka waiwererà reitypypyioka Janejare'e pè kupa ky'y. A'e rapijarà tè ije. Ajawyi, “Ivo tè aiko”, e'i tite oupe mã'ẽ rè rõwã ajo. Nivoi mãe kõ rè tè ajo, e'i Jesu.

Ajaire yarà kõ omõtã imuu ysĩ 'aryvo imoẽ kupa, a'e pè tatui upa. Ajaire awyje omoma'e kõ oity oo Jesu rupi kupa ky'y.

Ajaire ãmõ taa pè Jesu ekoi remẽ, kwaima'e mõ uu Jesu resa. Itekorã mã'ẽ a'e, ipisĩsĩma mã'ẽ tè. A'e uu ovãe Jesu pyri remẽ, ojayvy 'ejẽ ovake. Oporanu Jesu pè. Kee e'i ijupe: – Jõvijã, akuwa nepota emokatu remẽ, emokatu kuwa nekasia rupi rejupa, e'i Jesu pè. Ãmẽ aepo renu Jesu opojai ikoty ojipy ipirà rè. Kee e'i ijupe: – Hoõ! Apota! Tanekatupa awi nepirà rupi, e'i ijupe. Ameve ipisĩsĩma oje'opa iwyi. Ikatuay ipirà rupi ky'y.

Aepo e'i epe Jesu ijupe. Ajamã'ẽ Jesu rewarà ojenu jenu jẽ taa kõ rupi. Ãmẽ ywesõ ojenu jenu okwa. Ajawyi jane kõ mõa'ãrõwã uu uu Jesu koty kupa ky'y. Ãmõgwerà ovãe ijayvu renu. Ãmõgwerà itekorã tè uu. – Emokatutà rõwã põkõ Jesu, e'i ovãe ipyri kupa. A'evo tè ekoi kupa ipi.