Popular Bible Verses from Juwão 5

Share

– Kee ekoi mãe kõ oiko karuarutà. Eayvu wenu katu mãe kõ tè. Emuuarerà rè ojirovija mãe kõ. A'evo ekoi mãe kõ Papa noemavo'ãi ity oo. Kee e'ipa ijupewarà mõ: “Awyje nokãjã'ãi mã'ẽ vo ene ky'y. Epyri oroereko karuarutà”, e'i. Aje ywete aepo a'e, e'i Jesu.

Ãmẽ Jesu ovãe ipyri remẽ, okuwa karamoeve itekorã upa. E'i ãmẽ ijupe: – Nepota põ nekatua? e'i ijupe.

Ijayvu jikusiwarerà pemogeta ywete ipe. “A'evo remẽ teipõ Janejare'e pyri jaiko karuarutà”, pejẽ ipe. Ajamã'ẽ nekuwai Emimuurerà rõmõ pekupa! Ijayvukwerà rupi kuwasi ekuwa pekupa mijã! Pejirovija sõ ere remẽ, poromoigo karuaruoka kuwa ipyri mijã, e'i. Nererovijai ajamã'ẽ pekupa, e'i.

Ajawyi Jesu e'i ijupe: – Epõ'ã. Nekea ajawyi eropõ'ã eroata eraa, e'i ijupe. Aepo e'i ijupe remeve kwaima'e opoerapa opõ'ã, Jesu ayvu rupi. Okea weropõ'ã eroata eraa ky'y. Ameve aty wasu pyterà rupi sikaepo Jesu ojisyry oo. Jimoava 'arà remẽ a'evo ekoi.

Aepo e'i kupa remẽ, Jesu e'i mijẽ ijupe kõ: – Eayvu rupi rõwã aposiko ipi, e'i. Amã'ẽ Papa rè oposiko remẽ ipi, e'i. Ijayvu rupi tè aposiko ipi. Ãwitõ Papa a'evo wereko, ãwĩvo ve Ta'yry rõmõ ije. Aje ywete Papa Ra'yry tè ije, e'i.