Popular Bible Verses from Jesu koty rewarà kõ 26

Share

Neayvu noenu tari mãe kõ opotatà nemoai. Juteu kõ wyi. Ãmõ, Juteu rõwã mãe kõ wyive. Ajamã'ẽ oroereko katutà iwyi kõ nerereko. Oromonotà ijupe kõ, ãwisõ teremotekokuwa kõ. Aje ywete mã'ẽ rè tè nemotekokuwa kõtà. Teko aia wyi nerova kõtà, ekoty rewarà kõ rõmõ toiko kupa ky'y”, e'i ije. “Ãjãgai rõvijã Satanasi kasia wyi nemomoi kõtà ekoty imuu. Ere eako'i mãe kõ apy'aky'a'otà. Ãmẽ Janejare'e ‘awyjepa’ e'ità ijaiwererà kõ pè ky'y. Oupewarà kõ rõmõ werekotà ãmẽ, pirujẽ ere eako'i mãe kõ reve”, e'i Jesu ije, e'i.

“Ajamã'ẽ ka'e ene. Epõ'ã jẽsi ekwa. Oropyteporopa eremĩgwai rõmõ tereiko, ãwĩvo age'e nemã'ẽ ee mã'ẽ teremojenu erokwa ãmõ kõ pè. Ajawyi tè age'e ajikuwapa neupe ky'y. Aepo a'e ene maekwerà teremojenu teve, manyvo a'età mijẽ põ ajaire neupe.

– Ãmẽ a'e ijupe: “Ava põ ene, Jõvijã?” a'e. E'i ije ãmẽ: “Jesu tè ije. Epy'amopirai erereko rejupa mã'ẽ tè ije”, e'i.

E'i jõvijã Akiripa ãmẽ ijupe: – “Ãmẽ teipõ Kiristu koty rewarà rõmõ ekoità!” ere tite sipõ ije? e'i. “Aepo a'e remẽ teipõ werovijatà”, ere tite sipõ eupe? e'i ijupe.