Popular Bible Verses from Jesu koty rewarà kõ 22

Share

Ajawyi moma'e nereãrõ'ãi neiko age'e ky'y! Terepõ'ã te'ĩte neporegeta Janejare'e pè. Terejimojãmorĩoka teve neiko ky'y. A'evopa ene remẽ, ‘awyjepa’ e'ità Janejare'e neaiwererà pè”, e'i Anania ije, e'i Pauru.

– Kee e'i Anania ije: “Sauru. Aje ywete Janejare'e janerãmõi kõ Rõvijã wasu nepyteporopa wemĩgwai rõmõ tereiko ky'y. Ajawyi wemimotarà omojikuwaoka ene. Ta'yry ivo katu ekoi mã'ẽ rè ywete nemã'ẽ neiko. Ijayvukwerà neenu teve, e'i.

Age'e a'evoa mojenuarà rõmõtà tè ene neiko ky'y. Nemã'ẽ ee maekwerà nemojenutà neiko. Ãmõ, neenu maekwerà nemojenutà teve erokwa ky'y. Pirujẽ jane kõ pè teremojenu.