Popular Bible Verses from Mateo 5

Share

Ichiaba lámpara kꞌoodakꞌaa ne–inaa ekꞌari mera bɨdaitꞌee. Ma kꞌãyaara kꞌoodakꞌãri, ne–inaa ɨ̃rɨ ɨtꞌɨ́ ata bɨpata jõma te jãde pꞌanɨɨrãpa ɨ̃daa unudamerã. Mãga pɨkꞌa jɨrɨ́tɨ jõmaarãpa parã ɨ̃daa pɨkꞌa unudamerã. Mãgá unudakꞌãri parãpa tꞌãri pia ne–inaa pia oomaa pꞌanɨ, ɨtꞌaa tꞌɨ̃daitꞌee parã Akꞌõre Waibɨa ɨtꞌari bɨmaa.

ʼIchiaba na pꞌekꞌau eujãdepema ijãadakꞌaa beerã–itꞌee parã ɨ̃daa pɨkꞌa pꞌanɨ. Pꞌuuru ee nokꞌode bɨ pꞌoyaa meradakꞌaa, pꞌãrikꞌua chi uchiterree tꞌɨmɨɨpa unupata perã.

Tꞌãri o–ĩa pꞌanɨ chi tꞌãri jĩpꞌa oopataarã Tachi Akꞌõrepa kꞌinia bɨkꞌa, iru unudaitꞌee perã.

Tꞌãri o–ĩa pꞌanɨ chi Tachi Akꞌõrepa jara bɨkꞌa oo kꞌinia pꞌanɨɨrã, irua kꞌaripaitꞌee perã mãga oodamerã.

Mamĩda mɨata jara bɨ: Parã kꞌĩra unuamaa iru pꞌanapataarã kꞌinia iru pꞌanapatáatɨ mãikꞌaapa eperãarãpa parã jɨrɨdakꞌãri ne–inaa kꞌachia oodaitꞌee, ɨtꞌaa tꞌɨ̃patáatɨ ãra pari.

—Tꞌãri o–ĩa pꞌanɨ chi chupɨria chedeerã. Tachi Akꞌõre kꞌawa kꞌinia pꞌanadairã, ichideerã pꞌaneedaitꞌee.

Tꞌãri o–ĩa pꞌanɨ chi tꞌãri aukꞌa bɨpataarã awaraarã ome mãikꞌaapa Tachi Akꞌõre ome, mãɨrã tꞌɨ̃jaradaitꞌee perã Tachi Akꞌõre warrarã.

Tꞌãri o–ĩa pꞌanɨ chi kꞌĩsia pꞌua pꞌanɨɨrã, Tachi Akꞌõrepa chupɨria kꞌawaaitꞌee perã.

Tꞌãri o–ĩa pꞌanɨ eperãarã awaraarãpa ãchi jɨrɨdakꞌãri miapidaitꞌee, Tachi Akꞌõrepa kꞌinia bɨkꞌa oopata perã. Ichia ãchi bɨitꞌee ichi jua ekꞌari ichideerã pꞌaneedamerã.

Tꞌãri o–ĩa pꞌanɨ chi awaraarã chupɨria kꞌawaa pꞌanɨɨrã, Tachi Akꞌõrepa ãchi jida chupɨria kꞌawaaitꞌee perã.

ʼTꞌãri o–ĩa pꞌanɨ awaraarãpa parãmaa ikꞌachia jaradakꞌãri, maa–e pɨrã ne–inaa kꞌachia oodakꞌãri, maa–e pɨrã seewadakꞌãri parã ɨmɨateedaitꞌee, mɨde ijãapata perã. Mãga oodakꞌãri, tꞌãri o–ĩa, kꞌãiwee pꞌanéetɨ, Tachi Akꞌõre truade panadakꞌãri, irua parãmaa ne–inaa pi–ia teeitꞌee perã. Mãgá chonaarãweda Tachi Akꞌõre pedee jarapataarãmaa ne–inaa kꞌachia ichiaba oopachida.

Tꞌãri o–ĩa pꞌanɨ chi audua–ee pꞌanɨɨrã, atadaitꞌee perã jõmaweda Tachi Akꞌõrepa jarada ichideerãmaa teeitꞌee.

—Na pꞌekꞌau eujãdepema ijãadakꞌaa beerã–itꞌee parã tꞌã́kꞌapɨ pꞌanɨ. Kꞌawa pꞌanɨ chikꞌo warraa bɨ tꞌã ome. Mamĩda tꞌã kꞌɨyaa–edaikꞌãri, warraa–ee bɨ. ¿Sãga kꞌɨyaapii waya? Tꞌã kꞌɨyaa–ee bakꞌãri, batꞌatꞌaapata o jãde eperãarã aɨ ɨ̃rɨ tꞌɨadamerã.

Mãgá eperãarã jĩpꞌaarãkꞌa pꞌanadai kꞌãyaara, tꞌãri pia pꞌanapatáatɨ ne–inaa kꞌachia ooda–ee, pãchi ɨtꞌaripema Akꞌõre Waibɨa baparikꞌa.

Mãgá ne–inaa kꞌĩrapite juraadakꞌãri awaraarãpa ma pedee ijãadamerã, ne–inaa kꞌachia oomaa pꞌanɨ. Parãpa ne–inaa oodaitꞌee pakꞌãri, jaradaipia bɨ: “Ooitꞌeeda” adaipia bɨ. Jõdee ne–inaa ooda–e paitꞌee pakꞌãri, jaradaipia bɨ: “Oo–eda” adaipia bɨ.

—Parãpa ũridooda naawedapemaarãpa ũraapatapꞌedaa: ‘Sĩdapa eperã tau ãriru pɨrã, chi sĩda tau aukꞌa jĩatꞌaadapáde apachida; ichiaba sĩdapa kꞌida kꞌõradaru pɨrã, chi sĩda kꞌida aukꞌa kꞌõratꞌaadapáde ajida.’ Mamĩda mɨata jara bɨ: Awaraapa pɨmaa ne–inaa kꞌachia ooru pɨrã, kꞌĩra jõ–ee banáaji mãgɨ́ ome. Ma kꞌãyaara pɨchi kꞌĩra tarramaa sĩru pɨrã, tꞌãri pia chi apema kꞌĩra tarra akꞌɨpíji, aukꞌa sĩmerã.

ʼMaperã pɨ tau juaraarepema ne–inaa unuda kꞌaurepa pɨ kꞌachiade baairu pɨrã, piara bakꞌaji ma tau ẽtꞌatꞌaamerã mãikꞌaapa tꞌɨmɨ́ batꞌatꞌaamerã, ma kꞌaurepa kꞌachiade baai kꞌãyaara. Ichiaba pɨ jua juaraarepemapa ne–inaa ooda kꞌaurepa pɨ kꞌachiade baairu pɨrã, piara bakꞌaji ma jua tꞌɨapꞌetꞌaamerã mãikꞌaapa tꞌɨmɨ́ batꞌatꞌaamerã, kꞌachiade baai kꞌãyaara ma kꞌaurepa. Piara bɨ pɨchi kꞌapꞌɨadepema ne–inaa atuamerã, kꞌapꞌɨa jõmaweda atuai kꞌãyaara tokꞌarradee.