Popular Bible Verses from Mateo 4

Share

Jesupa pꞌanauji: —¡Oo–eda! aji. Tachi Akꞌõre Ũraa pꞌãdade jara bɨ: ‘Eperã chikꞌo kꞌo bɨpapai chokꞌai bakꞌaa. Tachi Akꞌõre pedee kꞌawa bɨpa ichita chokꞌai bapari.’

Jesupa pꞌanauji: —¡Oo–eda! aji. Ãyaa wãpáde aji, Satanás. Tachi Akꞌõre Ũraa pꞌãdade jara bɨ: ‘Tachi Akꞌõre Waibɨamaa aupai ɨtꞌaa tꞌɨ̃patáatɨ mãikꞌaapa jĩpꞌa oopatáatɨ irua jara bɨkꞌa.’

Jesupa pꞌanauji: —¡Jɨ̃tɨ–eda! aji. Ichiaba Tachi Akꞌõre Ũraa pꞌãdade jara bɨ: ‘Ne–inaa pariatua oonáaji kꞌawaaitꞌee wãara Tachi Akꞌõre Waibɨapa tachi akꞌɨpari wa mãga–e.’

Maapꞌeda Tachi Akꞌõre Jaurepa Jesús wãpiji eujã pania wẽe bɨmaa, Netuara Poro Waibɨapa irumaa ne–inaa kꞌachia oopi kꞌinia bada perã. Mama kꞌãima cuarenta nekꞌo–ee baji. Mapa jarrapisia nɨ̃beeji.

Ãra unukꞌãri, Jesupa mãgaji: —Mɨ ome nipapatáatɨ mãikꞌaapa óotɨ mɨa ooparikꞌa. Idideepa eperãarã jɨrɨdaitꞌee Tachi Akꞌõre–itꞌee, to–ɨapataarãpa chikꞌo jɨrɨpatakꞌa. Aramata ãchi tꞌɨrɨ atabëijida mãikꞌaapa wãjida iru ome.

Maadakꞌãriipa Jesupa jarateemaa beeji: —Pꞌekꞌau kꞌachia oo amáatɨ mãikꞌaapa Tachi Akꞌõrede ijãapatáatɨ. Taarã–e nɨde Tachi Akꞌõrepa eperãarã bɨ kꞌinia bɨ ichi jua ekꞌari, ichideerã pꞌaneedamerã.