Popular Bible Verses from GALATIA 6

Share

Hun néh kenat mai lu' leko maneu' jian, uban hun lu' nengayet maneu' jian, omok lu' majau éh kepéh.

Uban néh kenat siget koléé' hun lu' na'at kelunan lem penusah néh, tekep lu' nolong réh, makin péh ngan kekat padéé' lu' éh ngelan tong Tuhan.

Tekep keh nolong kelunan éh jah lem penusah néh, kenat jalan keh kivu sohoo' Kristus.

Mai keh ngelavo' usah keh tengéé'. Mai keh seruh Allah bé' jam ineu'-ineu' éh penganeu' keh. Barei' éh nulah kelunan kenat ke' éh najau néh kepéh.

Uban kelunan éh mulah kekat barék éh sa'at lem kenin néh, neu' néh kivu pengagat dalem kenin néh éh sa'at, iah majau éh kepéh, ajau néh inah mihin éh matai awah. Kenat péh kelunan éh mulah kekat éh jin Sahéé' lem kenin néh, iah péh majau éh kepéh, ajau néh inah mihin éh alaa' urip pelinguh.

O kekat padéé' ké', hun keh jam séé'-séé' péh maneu' penyala', tekep ka'ah éh penoo' neu' Sahéé' Tuhan, dawai kenin peteneng jalan néh, ngan mihau usah keh kepéh dai keh sioo' tenupat kepéh.

Uban hun jah usah seruh usah néh tengéé' jian jin kekat irah éh jah, éh mu'un néh bé' éh kenat, hun iah seruh éh pu'un jian kenat, inah iah ngelavo' usah néh awah. Tekep siget usah petuneng kereja' néh tengéé', hun kereja' néh pu'un jian boh éh omok murung kenin ngan bé' makat pitah kelunan éh jah mejing iah. Uban tekep siget usah ngamit penusah néh tengéé'.