Popular Bible Verses from ÉPESUS 1

Share

Akeu' sebayang menyat éh pepekang maten kenin keh dokoo' keh omok nesen tong pengeloo' kenin Néh tovoo' Néh tebai keh rai. Pengeloo' kenin Néh nah bé' éh terah urip lu' hun iteu' awah, bang avéé' vam kepéh. Hun keh nesen éh adang keh nesen kepéh tong kejian pengena' Néh éh pejajii' Néh ngan irah éh anah nah. Ngan akeu' keloo' keh jam tong ke ja'au penyukat Tuhan lem uleu' éh ngelan tong Kristus. Penyukat Néh inah pu'un éh pekua' penyukat Néh, jalan iah pebetéé' Kristus jin patai Néh, ngan ngajung Iah saa' na'au' Néh tong seruga. Tong sinah Kristus pu'un penyukat bau kekat pengeja'au, kelunan éh pu'un penyukat, kelunan éh majak ngan raja'. Kristus pelapah ja'au penyukat jin la'o séé'-séé' kelunan murip kesioo' jaka' éh juk avéé' kepéh.

Bé' jak tana' iteu' pu'un, Allah pu'un ngevéléé' uleu' tenéh, dokoo' neu' urip lu' lem Kristus, uleu' omok anah Néh, ngan murip ni'ai ngan jian mu'un, bé' pu'un sa'at ineu'-ineu' tong jumen Néh. Uban neu' penika Néh, La'ah naneu' penika Néh, jin bu'un tenéh Allah petenup jalan dokoo' neu' Anak Néh Kristus éh matai tong salib, Iah omok maneu' uleu' anak Néh kepéh. Iah maneu' kenat kivu pengeloo' ngan kemurung kenin Néh tengéé'.

Uban neu' dahaa' Kristus, uleu' pu'un pelepu, inah éh, penyala' lu' pu'un pega'. Iah maneu' kenat uban ja'au mu'un penika Allah ngan lu', pelapah ja'au jin éh omok benara' lu'.

Jian uleu' bara' jian kenin ngan Allah éh Tamen Tuhan lu' Yésus Kristus, uban uleu' murip pemung ngan Kristus, Allah lepah mena' pengejian ngan lu', palaa' kekat pengejian éh jin seruga.