Popular Bible Verses from ÉPESUS 6

Share

Uban bé' uleu' ngelawan kelunan, bang uleu' ngelawan kekat balei' sa'at ngan ungap éh pu'un tong sawang, ngan kekat kerenget balei', ngan kekat kesa'at éh mihin kelunan tong merem.

Pakai kekat inah béé ngan sebayang menyat Tuhan nolong keh. Ngelayau sebayang kivu pengeloo' Sahéé'. Jian keh mavaa' mu'un, mai keh putui pengelan bang jian keh ngelayau sebayang tong kekat kelunan éh anah Allah.

Jian keh pakai kekat lajam ngan pakai jin Allah, dokoo' keh omok nekedéng ngan pu'un terokon ngelawan kekat aken kenin Sitan.

Uban néh kenat jian keh pakai kekat lajam ngan pakai jin Allah, Hun dau éh sa'at nah pu'un, inah éh dau Sitan ngelawan keh mu'un, boh keh omok nekedéng petem nerokon nyakat éh, ngan la'o keh pesakat nah péh, pu'un keto keh nekedéng petem nerokon.

Jian keh ngelayau ngamit kelevit, inah éh pengelan keh tong Tuhan, inah éh jalan keh omok memata' luten jin belat éh tuai jin iah éh sa'at. Jian keh alaa' tupi daven tong ulun keh, inah éh kekat urip Tuhan. La'ah ha' tebaraa' Tuhan inah éh po'é éh nena' Sahéé' Ni'ai ngan keh.

Uban néh kenat jian keh petenup ngan ngejeret é'éng keh palaa' ha' tebaraa' éh teneng, éh bara' tong Allah ngan pakai kerayung daven, inah éh tigéh kenin, ngan pakai kasut keh, inah éh Rengah Jian éh mihin lu' tunuk ngan Tuhan.

Inah éh pengega' ha' ké', jian ka'ah gahang dalem Tuhan, neu' penyukat Néh éh ja'au mu'un.

Jian ke' ngerera' tong tinen tamen ko' inah éh sohoo' Allah éh bu'un-bu'un pemung ngan jajii' Néh éh bara' ka': dokoo' ko' omok jian ngan kebit urip tong tana' iteu'.

O kekat anak, jian keh kivu sohoo' tinen tamen keh dalem Tuhan, uban kenat éh jian.