Popular Bible Verses from Luka 4

Share

“Lopia ega Spiritu eake peniau, gome isa lau isapu epeniiau. Ega koa iifa faunina ulalu au'i maa'iai faifafoua eoma. Ke eulaisau ketipula au'i akepealai auga, ke maakimi'i au'i maa'i felo agemia auga faifafoua eoma. Ke laomai apala'i ma'oai emokai'i au'i akepealai auga, ke Deo inipo kapagai ega gafegafe agepeni'i auga isafa faifafoua eoma.”

Kai Iesu einaka, “Deo ega iifa pukagai isafa iina kepapua oma: ‘Emu Lopia Deo ifogamo foau afagaina, ke Isa mo ega pinauga fokapa,’” eoma.

Kai Iesu einaka, “Deo ega iifa pukagai iina kepapua oma: ‘Papiau aumauni palafa ifogamo akeania akeagu afaekaina.’ Kai Deo isafa anina fekeani, ke ega iifa kainai fekeagu,” eoma.

Kai Iesu ae'ina ega pinauga aekapa koa kai Jordan agapugegai baptismo eafiia. Ega'ina alogai Deo ega Spiritu alo epogu. Egae kai Jordan epua'afuga emue afuga Kalilea ago elao. Elao alogai Deo ega Spiritu epapea elao ago maininai ekoko.

Kai Iesu einaka, “Deo ega iifa pukagai isafa iina kepapua oma: ‘Oi emu Lopia Deo folo'opo,’” eoma.

Satani ega'ina mo aekapai'i kai, i'opo i'oi'i i'oi'iai Iesu e'opoisa kai aekainia. Ega aisama Satani Iesu epua'afuga, kina felo aga'ogai kai fe'opo pugu eoma.

Ke Satani Iesu eafiia e'agauaina afu aga'o au'oniai, ke fiakoa mo agofa'a fofouga epakina. Egae kai epainia einaka, “Lau i'ina agofa'a isapuga ma'oai ke kapa felo'i ma'oai i'ina agofa'agai kekae au'i isafa oi alapenio apumu akemia. Gome i'ina agofa'a fofouga lau kepeniiau la'ima. Ke lau kaisau anina laani auga alapenia agekaina. Ega puo oi lau ainau aloafia ke aloau afagainiau koa aisama, i'ina kapa'i ma'oai oi apumu akemia,” eoma. Kai Iesu einaka, “Deo ega iifa pukagai isafa iina kepapua oma: ‘Emu Lopia Deo ifogamo foau afagaina, ke Isa mo ega pinauga fokapa,’” eoma.

Egae kai Satani Iesu eafiia pugu Ierusaleme taonina elaoaina. Egae Deo ega e'a ofaofa kua onina ipaumagai auni'i keapa kai epainia einaka, “Oi Deo Gauga koa aisama, i'ina afugai mogopolai moake. Gome Deo ega iifa pukagai iina kepapua oma: “‘Isa oi faumuai ega agelo ageifa kapula peni'i ake'ima feloiso. Ke agelo ima'iai oi akeafiakaeiso, ega koa ifemu kepoai afolo'anina,’” eoma. Kai Iesu einaka, “Deo ega iifa pukagai isafa iina kepapua oma: ‘Oi emu Lopia Deo folo'opo,’” eoma.