Popular Bible Verses from Luka 5

Share

Ke Iesu enini'ani efua aisama, Saimon epainia einaka, “Emu pinauga au'i fou gaaga amopapealaisa moaina alao kai, fe'i amooge ma'a amoafi'i,” eoma.

Kai Saimon iifa epamue einaka, “Au akaiki'a aumu, lai apinauga alogai gapiai ainoino gani kai kapa aga'o alaafia. Kai oi loifa kainai fe'i agaoge,” eoma. Ke kelao inafa'ai aisama, Iesu eifania koa i'opoga mo kekapaisa, fe'i keogeisa. Ega aisama ma'a ealogai alogaina fe'iai keofa. Ega'ina alogai fe'i kegala'aua keoma aisama, fe'i ufe'i ke'ina kemou.

Kai kina isa'iai ekapakapa koa i'opoga, gamegamega eoma puo, ega'ina papiau'i epua'afuni'i afu oapuga elao emegamega.

Ega koa i'opoga, lau lamai auga papiau Deo maagai alo opai au'i faifani'i puo alamai. Kai Deo maagai laomai apala'i kekapa'i au'i faifani'i e'i apala fekeumakalaini'i, Deo fekeaipenia laoma puo lamai,” eoma.

Saimon, Peto keoma auga Iesu ega iifai mo ma'a ma'o keafii'i auga eisa aisama, ekauai emani'i alogaina. Ke Iesu agogai a'isaai eomukipo kai eifa einaka, “Lopia, lau laomai apala ikapa au: Mopua'afuniau molao!” eoma.

Kai Iesu isa aina'i elogonia puo, e'i iifa epamue einaka, “Papiau felo'i akeisafa au'i toketa eega afakelao kai, keisafa au'i mo toketa eega kelao.

Ega aisama Peto, ke fou kepinapinauga keinoino au'i isafa e'i gaaga foeai kela'au'i afegai, kapa ma'oai kepua'afuni'i, Iesu muninai kepea.

Ega'ina afegai Iesu taoni aga'ogai eagu aisama, au molumolu isafaga eafia auga aga'o isa eega emai. Ke emai Iesu eisa aisama, e'ualai a'isai eomukipo kai egoinia einaka, “Lopia, oi lau mopafeloisau alooma koa aisama, alopafeloisau,” eoma. Ega puo Iesu ima ekalaisa elao au faagagai eafiau kai eifa einaka, “Lau lalogo oi mapafeloiso laoma. Ega puo felomu momia,” eoma. Iesu ega'ina eifania aisama, fiakoa mo molumolu isafaga ega'ina auga epua'afuga, faaga felo emia.

Iesu au ega'ina epainia kai aga'o maagai faeifania eoma mo ganinagai, au epafelo auga fouga afu ma'oai epea efoufa'a papiau ma'o kelogo. Ega kainai papiau ma'o la'afouai Iesu ega inogo a'o fekelogo, ke isafa au'i fepafelo'i keoma puo eega kemai.