Popular Bible Verses from Marcos 14

Share

Ke sikandin dutun te ked-ampù din te, “Amey ku, egkehimu nu is minsan hengkey ne emun egkehimu zà ne kenà a kenikew ipehimetayi, iyan, kenà egkesunud is kediey he egkesuatan, kekenà, iyan egkesunud is kenikew.”

Ne migkeg̵iyan sikandan ni Jesus te, “Kenè kew lipezeng, kekenà, ampù kew wey kew mekelikey te menge penggezam keniyu. Edsunud pezem is gehinawa niw, iyan, meluya is lawa niw.”

Tenuzi niw he kenà sikandin egkelipatan. Su minsan hendei idsangyew is Meupiya he Tudtulanen dini te tivuuk he kelibutan, egketudtul zaan heini is mid-ulaula zin kedì.”

Ne migkag̵i sikandin diyà te kandan te, “Utew mesakit is gehinawa ku. Henduen be te egkevidtew en. Kayi kew zà ne kenè kew medlipezeng.”

Ne zutun te kemulu zan pa egkaan, mid-amì si Jesus duen te supas, ne mibpeselematan din diyà te Megbevayà ne mibpenevìtevì din haazà ne impemeg̵ey zin dutun te menge sumusundan din. Ne ke sikandin te, “Iyan heini lawa ku; keena niw.”

Ne mid-amì din dutun is tasa he midteg̵uan te vinu he paras ne mibpeselematan din daan te Megbevayà ne induwal zin diyà te kandan. Ne pudu sikandan mid-inum dutun. Ne migkag̵i si Jesus te, “Iyan heini lengesa ku he ibpetig̵is wey mepelisi is mezakel he menge etew. Tuus heini te paag̵i te kegkelibri he midtukud te Megbevayà.”

Ne migkeg̵iyan ni Jesus haazà is menge sumusundan din te, “Is langun te sikiyu, edluyahan is kedsarig niw kediey su zuen insurat he Lalag te Megbevayà he edhenduen te, ‘Edhimetayan ku is ed-elima te menge kerehidu ne ebpekedsusuwey is menge kerehidu.’

Enew kew su heini en sikan is etew he ed-akal kedì. Edsinug̵ungen tew.”

Ne ke si Jesus diyà te ki Pedro te, “Benar is egkeg̵iyen ku he te kenè pe kan ed-ukarà is manuk te kezezuwa g̵untaan te mezukilem ne ketetelu ke en ebpekekag̵i he kenà a kenikew egkekilala.”