Popular Bible Verses from Mako 6

Share

Kwenze ŵanthu anyinji enzokuza noluta cakuti Yesu na asambili ŵake enzeve nsita ya kulya. Tetyo, Yesu eŵawuzya asambili ŵake kuti, “Tiyeni ku malo kwa seka kusapita–pita ŵanthu kuti mukapumuleko.”

Yesu eŵayasuka kuti, “Mneneli opewa mcinzi kulikonse kwangalute koma okaniwa na ŵa ku munzi kwawo na enekwawo na ŵa mu banja yake.”

Pecifuma mu wato Yesu ewona winji wa ŵanthu nipo eŵacitila lusungu, pakuti enze ngani mbelele ziliye ciŵeta. Tetyo, etatika kuŵasambizya vinthu vinyinji.

Aliyocite vinthu vinyinji vokanganisha kwala, koma eyika tyala manja ŵake pa ŵanthu atontho olwala nipo eŵapozya. Ekanganishiwa ngako powona kusoŵa cicetekelo kwa ŵala ŵanthu. Pa vuli pake Yesu eluta na kuyosambizya ŵanthu ŵa ku minzi yozunguluka kwawo.

Lomba Yesu etola mikate isanu na masaŵi aŵili, nololesha Kululu, notembezya Mulungu. Esuna–suna mikate yala nakupa asambili ŵake kuti ayaŵile ŵanthu, etola soti masaŵi aŵili ŵala noyaŵila ŵanthu. Aliyense ecilya nipo ekuta. Asambili etola vitundu kumi na viŵili va vakulya vesalako na va masaŵi.