Popular Bible Verses from Mako 12

Share

Yesu emuyasuka elaŵila kuti, “Tetulo ikulu ni iyi, ‘Mvwani mwewo Aisilayeli, Leza, Mulungu wasu, yeve yeka niye Mulungu. Tetyo, uwotemwa Leza, Mulungu wako, na mtima wako wonse, na moyo wako wonse, na nzelu zako zonse, na mphamvu zako zonse.’ Nipo tetulo ya ciŵili ni iyi, ‘Uwotemwa muyako ngani mwaulitemwela wemwine.’ Paliye tetulo ikulu iyakine yopula Matetulo ŵamene aŵa.”

Tetyo, Yesu eyita asambili ŵake noŵawuzya kuti, “Nukuwuzyani vyendi kuti nyankufwilwa wozingwa, wapozamo kupula ŵanthu wonse aŵa ayakine ayikamo mu thumba umu. Cikomo aŵa ayingoyikamo vatapamo mu vinyinji va ali navo. Koma mwanakazi uyu mukuzingwa kwake wapozamo zonse zenze nazo, zakuti angasitile cakulya.”

Nsiku iyakine Yesu enkhala pansi mololesha thumba ya zotwala ku Ngʼanda ya Mulungu, kulolesha ŵanthu mwenzopozelamo ndalama zawo zinyinji. Koma pecifwika nyankufwilwa muyakine wozingwa eyingopozamo tundalama tuŵili.

Mwalaŵila luweme kuti cinthu copulamo nikumutemwa Mulungu na mtima wonse, na mphamvu zonse, soti kutemwa muyako ngani mwaulitemwela wemwine. Kucita tetyo kupula kutwala nsembe zoshoka keno nsembe ziyakine zonse.”

Pamene apo Yesu eŵawuzya kuti, “Tetyo, mutwale ku mfumu va ufumu wake, na kwa Mulungu va Umulungu wake.” Pecimvwa tetyo ŵala ŵanthu esila nzelu.