Popular Bible Verses from Luka 14

Share

“Aliyense opangwa kuŵa msambili wangu, awotemwa newo kupula awisi na anyina, mkazi wake na ŵana ŵake, enekwawo na alongosi ŵake, nipo soti kupula na moyo wake.

Aliyense otakulalini mtanda wake nonikonkha, angaŵelini msambili wangu.

Pala aliyense wolikuzya azeamucefye, nipo aliyense wolicefya, azeamukuzye.”

“Tetyo, soti aliyense mwa mwewo ŵamene osiyalini vonse va ali navo, angaŵelini msambili wangu.”

“Muyakine mwa mwewo akapangwa kumanga ngʼanda ikulu, kansi ni walalini otatika wankhala pansi noŵelenga ndalama zupangwika, kuti awone keno ali nazo zokwanila kusilizya? Akaleka kucita tetyo, payakine azeayike maziko, nokangiwa kusilizya. Ŵanthu wonse powona ivi, akatatike kumuseka. Azealaŵile kuti, ‘Akulu aŵa etatika kumanga ngʼanda, koma ekangiwa kusilizya.’

Koma wewo keno ukonzeka malyelelo, uwoyita osauka, opunduka, olemala na mphofu. Nipo uzeunkhale woshukishiwa, cikomo ŵeve aliye kanthu kokuwezyela. Mulungu niye azeakuŵezyele, ŵanthu wolungama patiazeawuke kwa akufwa.”

“Munyu ni uweme. Koma keno munyu wala wasila mphamvu, mphamvu yake na uweme wake ungawele tyani soti? Uliye soti nchito cukanga mu munda keno pa cungu. Oyingowutaya mphela. “Ŵamene ali na matu, amvwishishe.”