Popular Bible Verses from Luka 13

Share

“Lwishani kuloŵela pa kamulyango kopatikizya, pakuti anyinji, nukuwuzyani, azeapangwe kuloŵa, koma azeatweshelini.

Mwamene umo mwenze mwanakazi muyakine enze ekatiwa na ciŵanda cemulwalisha vyaka kumi na mphuzyo zisanu na zitatu (18). Enze na msana woŵelama, mwakuti enzoŵinukalini. Yesu pecimuwona, emuyita nomuwuzya kuti, “Wewo mwanakazi, wamasuka ku ulwele ŵako.”

Emuyikapo manja, pamene apo mwanakazi wala eyondoloka, notatika kutembezya Mulungu.

Mvwishishani, pamene apo ŵala wosilizyila azeaŵe wotatika, nipo wotatika azeaŵe wosilizyila.”

“Nsita ikawele pati mwine wa ngʼanda azeapaname kuyovala ku mulyango. Pamene apo, mwewo muli panja muzemutatike kukonkhosha nolaŵila kuti, ‘Asikulu tivulilenkoni.’ Koma yeve azeakuyasukeni kuti, ‘Nuziŵalini kwamufumila.’

Yayi, koma mukaleka kuyaluka mtima, namwe soti mukacenekewe ngani ŵamene ŵala.”

“Koma yeve azeakuwuzyeni kuti, ‘Pepani nuziŵalini kwamufumila. Fumamponi apa, ŵanthu ocita viyipa.’

Nipo Yesu elaŵila kuti, “Kansi Ufumu wa Mulungu uli ngani vinji? Nipo ningaulinganizye na vinji? Uli ngani kambuto katontho ngako kecikomola munthu mu munda mwake. Kemela nokula nakuŵa cimuti, nipo tunyoni twiwela kuzomanga tuvumbo pa misambo yake.”