Popular Bible Verses from Luka 10

Share

Nakupani mphamvu kuti muwokanda njoka na nkhanila, nocimfya mphamvu zonse za mulwani wala. Paliye kanthu kangakucenekeni.

Asikulu elaŵila kuti, “Malita, Malita wewo, ukopewa novutika na vinthu vinyinji, koma cupangwika ni cinthu cimo tyala. Maliya niye wasalula cinthu copula, koma ici paliye munthu muyakine angampoke yayi.”

Yeve eyasuka kuti, “Uwotemwa Leza, Mulungu wako, na mtima wako wonse, na moyo wako wonse, na mphamvu zako zonse, na nzelu zako zonse, nipo uwotemwa muyako ngani mwaulitemwela wemwine.”

Tetyo, eŵawuzya kuti, “Munda ni ukulu, koma oseŵenza ni atontho. Ni cikomo cake lombani mosavupa kwa Asikulu ŵene ŵa munda kuti atumizye anyanchito mu vitwalo vake.

Tetyo, Yesu ekonsha kaswili wa Matetulo wala kuti, “Kansi mwewo mulingililapo tyani? Pa ŵanthu atatu aŵa, ni ŵani muyake wa munthu uyu wecikata anyankapondo?” Yeve elaŵila kuti, “Wala emucitila lusungu.” Apo Yesu emuwuzya kuti, “Nkhoyani lomba, namwe mukocita cimozi–mozi.”

Nkhoyani lomba. Nukutumani nga nimwe ŵana ŵa mbelele pakati pa mimbulu.