Popular Bible Verses from Macitilo 5

Share

Koma Petulo na nthumi ziyakine zala zelaŵila kuti, “Tuwamila kumvwila Mulungu kupula kumvwila ŵanthu.

Tetyo, nsiku na nsiku enzosambizya mphela noŵilizya mu ngʼanda za ŵanthu, Malizu Aweme olaŵila kuti Yesu niye Mpulumushi Wolayizyiwa wala.

Koma Petulo emukonsha kuti, “Wewo Ananiya, ni cikomo canji wazomelezya mtima wako kukatiwa na Satana mpaka notalizya wenye Mzimu Mtuŵa popatula ndalama ziyakine za munda wako? Pewenze ukaliyowusitisha wenzelini wako kansi? Nipo pawiwusitisha, ni palalini ndalama zake zenze mu manja mwako? Nga wizomelezya tyani voteti mu mtima mwako?” Ananiya pecimvwa malizu aŵa, epona pansi, nakufwa pamene apo. Nipo ŵanthu ecimvwa ivi ecita wowa ukulu.

Ni cikomo cake pa nkhani iyi nukuwuzyani kuti, muŵaleke ŵanthu aŵa, nipo muŵazomezye aŵekuya. Keno ŵeve vakulingilila nipo soti vakucita vufumila ku ŵanthu, vizevikange veka. Koma keno vufumila kwa Mulungu, mwewo mungaŵaleshelini yayi. Payakine mungafwaniwe kuti mulwishana na Mulungu.”