Popular Bible Verses from Macitilo 2

Share

Petulo eŵawuzya kuti, “Yalukani mtima, nipo aliyense wa mwewo abatiziwe mu zina ya Yesu Kristu. Mukacita tetyo macimo ŵanu alekelelewe, nipo muzemupokele cilambu ca Mzimu Mtuŵa.

Ŵanthu ŵala, enzowungana molitwala kuti amvwe vezenzosambizya nthumi. Enzomvwana, nipo enzokulya cakulya nolombela pamo.

Wonse ŵala ezuzyiwa na Mzimu Mtuŵa, nipo etatika kulaŵila vilaŵilo va cilwendo, ngani Mzimu mwenzoŵalaŵilishila ŵala.

Movundumukizya kwimvwika kufumila kululu mlilimo ngani mphepo ikulu, nozuzya ngʼanda yonse yenzonkhalamo. Nipo ewona ngani tumalulimi twa mulilo twiyaŵikana nonkhala pa ŵeve, aliyense kake. Wonse ŵala ezuzyiwa na Mzimu Mtuŵa, nipo etatika kulaŵila vilaŵilo va cilwendo, ngani Mzimu mwenzoŵalaŵilishila ŵala.

Nsiku na nsiku enzoungana na mtima umo mu Ngʼanda ya Mulungu, nipo enzolyela pamo ku ngʼanda zawo. Enzokulya cakulya cawo cala motemwa nipo na mtima wa mtendele. Enzotembezya Mulungu, nipo ŵanthu wonse enzoŵawamila mtima. Nipo nsiku na nsiku Asikulu enzoŵayangizyila ayakine opokela cipulumusho.

‘Mulungu olaŵila kuti, Pa masiku osilizya nizeniyike Mzimu wangu mwa ŵanthu wonse. Ŵana ŵanu analume na anakazi azoŵilizya va Mulungu; alumbwana ŵanu azowona vinthu menso na menso, nipo akulukazi azolota maloto.

Ocetekela wonse enze okatizyana, nipo enzoyaŵana vinthu vawo. Enzositisha vonse venze navo, nipo ndalama zake enzoyaŵila wonse, malinga ni kusoŵa kwa aliyense.

Pamene apo aliyense watiazeacinzike zina ya Asikulu molicefya, azeapulumuke.

Zuŵa ikayaluke ngani mfinzi nipo mwezi ngani milopa, ikaliyofwika nsiku ikulu na ya ulemelelo ya Asikulu Mulungu.’”