Popular Bible Verses from Ma‘aké 14

Share

Mo ne pehē, ‘Apā Tamai, ‘oku ke malava ‘e koe ‘a e me‘a kotoa pē; ke ke fakalaka ‘a e ipu ni meiate au: ka neongo ia, ka ‘oku ‘ikai pē ko e hā hoku loto, ka ko e hā ho‘ou.

Le‘o pē mo lotu, ke ‘oua na‘a mou hū ki hā ‘ahi‘ahi. ‘Oku loto pē ‘a laumālie ke fai, ka ‘oku vaivai ‘a kakano.

Pea ko au ē, ‘oku ou tala atu, ‘ilonga ha potu ‘i māmani kātoa ‘e malanga‘aki ki ai ‘a e Kōsipeli, ‘e lea‘aki ai foki ‘a e me‘a ne fai ‘e si‘i fefine ni, ko e fakamanatu kiate ia.

pea ne pehē kiate kinautolu, ‘oku mamahi fu‘u hoku laumālie, ‘o hangē ka mate: mou tatali ‘i heni ‘o fakafe‘ao.

Pea lolotonga ‘enau kai na‘a ne to‘o ha fo‘i mā, ‘o ne tāpuaki ia, mo ne pakipaki, ‘o ne ‘ange kiate kinautolu, ‘o ne pehē, To‘o: ko hoku sino ‘eni.

Na‘a ne to‘o foki ‘a e ipu, mo ne fakafeta‘i, ‘o ne ‘ange kiate kinautolu; pea nau inu kotoa pē mei ai. Pea ne pehē kiate kinautolu, Ko hoku toto ‘eni, ko e toto fuakava, ‘a ia ‘oku lilingi koe‘uhi ko e tokolahi

Pea lea ‘a Sīsū kiate kinautolu, Te mou tūkia kotoa pē; he kuo tohi, Te u taa‘i ‘a e tauhi, pea ‘e movete ‘a e fanga sipi.

Mou tu‘u, tau ō; vākai kuo ofi mai hoku lavaki.

Pea pehē ‘e Sīsū ki ai, Ko au ē, ‘oku ou tala atu, ko e ‘anai, ‘io, ‘i he pō ni, ‘i he te‘eki ke ‘u‘ua tu‘o ua ‘a e moa, te ke fakafisinga au ‘e koe, ‘o tu‘o tolu mālō.