Popular Bible Verses from Luké 5

Share

Pea kuo ‘osi ‘ene lea, na‘a ne pehē kia Saimone, Tuku atu ki he moana, pea ‘a‘au homou ngaahi kupenga ki ha ika.

Pea tali ‘e Saimone ‘o ne pehē ki ai, ‘ēī, ko e pō kātoa mo ‘emau ngangau, ‘o ‘ikai ma‘u ha mata‘i ika: ka ‘i ho‘o me‘a te u ‘a‘au pē ‘a e kupenga. Pea ‘i he‘enau fai ia, na‘a nau ha‘o ha fu‘u tākanga ika, pea kamata mahae honau ngaahi kupenga.

Ka ka taka vao pē ia ‘i he ngaahi toafa, ‘o ne toutou fai ‘ene lotu.

Na‘e‘ikai te u ha‘u ke ui ‘a e mā‘oni‘oni ki he fakatomala, ka ko e angahala.

Pea ‘i he sio ki ai ‘a Saimone Pita, na‘a ne hinga atu ki he tui ‘o Sīsū, ‘o ne pehē, Me‘a atu, ‘Eiki, mei hoku vaka, he ko e tangata angahala au.

Pea tali ‘e Sīsū ‘o ne pehē kiate kinautolu, Ko e tangata faito‘o ‘oku ‘ikai ma‘a e mo‘ui lelei, ka ma‘a e mahaki.

Pea kuo nau ‘omi ‘a e ongo vaka ki ‘uta, na‘a nau li‘aki kotoa pē ‘o muimui kiate ia.

Pea ko e ‘aho ‘e taha na‘a ne ‘i ha kolo, pea ‘iloange, ko ha tangata kilia hoko; pea ‘i he‘ene sio kia Sīsū, na‘a ne fakatōmape‘e atu ‘o ne hū kiate ia, ‘o pehē, ‘Eiki, ka ne ke loto ke fai, te ke lava ke fakama‘a au. Pea mafao atu ‘e ia hono nima, ‘o ala ki he tangata, ‘o ne pehē, ‘oku ou loto pē: ke ke ma‘a koe. Pea matafi atu leva ‘a e kilia meiate ia.

Ka na‘e ‘āsili mafola ai ‘a e talanoa kiate ia; pea fa‘a fakataha ‘a e ngaahi fu‘u kakai ke fanongo kiate ia, pea ke fakamo‘ui mei honau ngaahi alangamahaki.