Popular Bible Verses from Luké 13

Share

Mo u tōtōivi ke hū ‘i he matapā fāsi‘i: he ‘oku ou tala atu, ‘oku ai ha tokolahi te nau feinga ke hū, kae ‘ikai te nau lava.

Pea na‘e ‘i ai tokua ha fefine kuo hongofulu mā valu ta‘u ‘a e ‘iate ia ha fa‘ahikehe fakavaivai sino, pea kuo mo‘u pīkoua ia, ‘o ‘ikai te ne lava ke tu‘u totonu ‘aupito. Pea ‘i he vakai ‘e Sīsū kiate ia, na‘a ne kalanga ‘o pehē ki ai, Fefine, kuo vete koe mei ho vavai‘anga.

Pea ne ‘ai hono ongo nima ki ai, pea kēvekeva tonu leva ia, ‘o ne fakamālō‘ia ‘a e ‘Otua.

Pea ko eni, ‘oku ‘i ai ‘a e ni‘ihi muimui te nau mu‘omu‘a, pea ‘oku ‘i ai ‘a e ni‘ihi mu‘omu‘a te nau muimui.

Ka toki tu‘u ‘a e tangata‘eiki, ‘o tāpuni ‘a e matapā, pea mou hanga ‘o tutu‘u ‘i tu‘a mo tukituki ‘i he matapā, ‘o mou pehē, ‘Eiki ke ke to‘o kiate kimautolu; pea te ne tali ‘o lea atu, ‘oku ‘ikai te u ‘ilo kimoutolu pe ko e kakai mei fē.

Tala atu, na‘e ‘ikai: kaekehe, te mou tu‘utāmaki kotoa pē hangē ko ia, ‘o kapau ‘e ‘ikai te mou fei mo fakatomala.

Ka te ne pehē, ‘Oku ou tala atu, ‘oku ‘ikai te u ‘ilo pe ko e kakai mei fē kimoutolu; tu‘u atu meiate au, ‘a kimoutolu kotoa pē ‘a e kau ngāue ‘a Ta‘etotonu.

Ko ia na‘a ne hanga ‘o lea ‘o pehē, ‘oku hangē nai ko e hā ‘a e Pule‘anga ‘o e ‘Otua? ‘io te u fakatatau nai ia ki he hā? ‘Oku tatau mo ha tenga‘i mūsita, ‘a ia na‘e to‘o ‘e ha tangata, ‘o tō ‘i he‘ene ngoue tapu; pea ne tupu, ‘o hoko ko e fu‘u ‘akau; pea nofo‘ia hono ngaahi va‘a ‘e he fanga manupuna ‘o e ‘atā.