Popular Bible Verses from KO ‘AISEA 25

Share

KO hoku ‘Otua koe, ‘e Sihova; Te u fakahīkihiki‘i ‘a e ‘Afiona; Te u fakamālō‘ia ho huafa; He kuo ke fai me‘a fakaofo, Ko e ngaahi fakakaukau fai mama‘o, Ko e koto fakamākukanga, Ko e fakamo‘oni folofola.

pea ko ‘Ātonai Sihova te ne holoholo ‘a e lo‘imata mei he mata fua pē; pea te ne ‘ave ‘a e manukia‘anga ‘o hono kakai mei he funga ‘o māmani kātoa: he kuo folofola ki ai ‘a Sihova.

Pea ‘i he taimi ko ia ‘e lau ‘o pehē, Vakai, ko hotau ‘Otua eni; ‘A ia na‘a tau tatali ki ai, Te ne fakamo‘ui kitautolu. Ko Sihova eni na‘a tau tatali ki ai; Tau tome‘e ‘o fiefia, ‘I he fakamo‘ui ‘oku ne fai.

Pea ‘i he mo‘unga ko eni te ne folofua ‘a e mata ki ‘olunga ‘o e pūlou ‘oku pulonga ‘aki ‘a e ngaahi kakai, mo e ‘ufi‘ufi kuo fofola ‘i he ngaahi pule‘anga. Te ne folofua ‘a mate ‘o ta‘engata

Pea ‘i he mo‘unga ko eni ‘e fai ‘e Sihova Sāpaoti ki he ngaahi kakai kotoa pē ha kātoanga me‘a lolo, ha kātoanga uaine kuo fisi, ‘ani me‘a lolo kuo lolo‘i ‘aki ‘a e ngako ‘o e hui, ‘ani uaine kuo fisi, ‘o sivi ke masivi.