Popular Bible Verses from KOHELETI 5

Share

‘Oua na‘a ‘oho ho ngutu, pea ‘oua na‘a vave ho loto ke laku lea ki tu‘a ‘i he ‘ao ‘o ‘Elohimi; he ‘oku ‘i langi ‘a ‘Elohimi, kae ‘i māmani pē koe: ko ia, ‘ai ke si‘i ho‘o lea.

Ko eni foki; ‘ilonga ha tangata kuo foaki kiate ia ‘e ‘Elohimi ‘a e koloa mo e me‘a hulu, pea ‘oku ne fakamafai ke ne kai mei ai, pea ke tali hono ‘inasi, pea ke ma‘u fiefia ‘i he‘ene ngāue: tala atu, ko e me‘a foaki ‘a e ‘Otua ia.

Ko ia ‘oku manako siliva, ‘oku ‘ikai te ne mākona ‘i he siliva; pea ko ia ‘oku manako ki he fu‘ufu‘unga me‘a, ‘oku ‘ikai hano fua: ko e muna mo ia foki.

LAMA ho va‘e ‘i ho‘o ‘alu ki he fale ‘a ‘Elohimi: he ko e ‘unu‘unu ke fanongo pē, ‘oku lelei hake ‘i ha ‘atu feilaulau ‘a ha kau vale. Seuke, ko ‘enau ta‘e‘ilo ‘oku nau fai kovi ai.

Kapau kuo ke fai ha tukumo‘ui ki he ‘Otua, ‘oua te ke fakatuai ke fai: he ‘oku ‘ikai ha hōifua ‘i he kau sesele: ko e tukumo‘ui kuo ke tala, fai.

‘Oku ngutuhua ange ha‘o ta‘efai ha tukumo‘ui, ‘i ha‘o fai kae ‘ikai fakaai.

‘Oku melie ‘a e mohe ‘a e tangata ngāue, pe ‘oku si‘i ‘ene kai pe ‘oku lahi: ka ko e topono fau ‘a e koloa‘ia ‘a ia ‘oku ‘ikai te ne mamohe ai.

Hangē ko ‘ene hū mai mei he fatu ‘o ‘ene fa‘ē, pehē te ne foki telefua, ‘o ‘alu hangē ko ‘ene ha‘u, ‘o ‘ikai te ne ma‘u ha momo‘i me‘a ‘i he‘ene ngāue, ‘a ia te ne lava ke to‘o ‘o ‘alu mo ia.