Popular Bible Verses from يُوحَنَّا 16

Share

قُلْتِلْكُمْ الكْلَامْ هَاذَا بَاشْ يْوَلِّي عَنْدْكُمْ السَّلَامْ فِيَّا. فِي العَالِمْ بِشْ تْعَانِيوْ مِالمْحَايِنْ، آمَا تْشَجْعُوا، رَانِي آنَا غْلِبْتْ العَالِمْ».

ووَقْتِلِّي يْجِي رُوحْ الحَقْ، بِشْ يْدِلْكُمْ لِلْحَقْ الكُلْ، عْلَى خَاطْرُو مُشْ بِشْ يْقُولْ حَتَّى شَيْ مِنْ عَنْدُو، آمَا بِشْ يِتْكَلِّمْ بِلِّي يِسْمْعُو وبِشْ يَحْكِيلْكُمْ عَالحَاجَاتْ الِّي بِشْ تْصِيرْ.

حَتَّى لْتَوَّا مَا طْلَبْتُوا حَتَّى شَيْ بْإِسْمِي. أُطْلْبُوا تَاخْذُوا، بَاشْ تِكْمِلْ فَرْحِتْكُمْ».

نْقُولِلْكُمْ الحَقْ، كَانْ نِمْشِي خِيرِلْكُمْ. عْلَى خَاطِرْ كَانْ مَا نِمْشِيشْ، مَا يْجِيكُمْشْ المُعِينْ. آمَا كَانْ نِمْشِي نَبْعَثْهُولْكُمْ. ووَقْتِلِّي يْجِي، يْبَيِّنْ لْنَاسْ العَالِمْ الِّي هُومَا غَالْطِينْ فِي مَا يْخُصْ الذْنُوبْ والصَّلَاحْ والحْسَابْ

إِنْتُومَا زَادَا بِشْ تَحْزْنُوا تَوَّا، آمَا رَانِي بِشْ نِرْجَعْ ونْشُوفْكُمْ، وقْلُوبْكُمْ بِشْ تِفْرَحْ وحَتَّى حَدْ مَا بِشْ يْنَحِّيلْكُمْ فَرْحِتْكُمْ. وفِي النْهَارْ هَاذَاكَا، مَا عَادْشْ بِشْ تِسْأْلُونِي عْلَى حَتَّى شَيْ. الحَقْ الحَقْ نْقُلْكُمْ: الِّي تُطْلْبُوهْ مِنْ الآبْ بْإِسْمِي، يَعْطِيهُولْكُمْ.

الحَقْ الحَقْ نْقُولِلْكُمْ، إِنْتُومَا بِشْ تِبْكِيوْ وتْنَوْحُوا، والعَالِمْ بِشْ يِفْرَحْ. إِنْتُومَا بِشْ تَحْزْنُوا، آمَا رَاهُو حُزْنْكُمْ بِشْ يْوَلِّي فَرْحَة.