Popular Bible Verses from Matiyu 18

Share

Adama a na ubuta̱ u na baci uma e re ko a tatsu o ɓolongi koɓolo a̱ ka̱tsuma̱ ka kula ka̱ va̱, mi ta̱ lo koɓolo n ele.”

“N dana ɗa̱, aza e re a̱ ɗa̱ a aduniyan a̱ ushuku baci n ili, ɗa a yaꞋin avasa adama i ɗa, Esheku a̱ va̱ a na i gaɗi i ta̱ a kuyaꞋanka ɗa̱ i ɗa.

Ɗa Yesu u ɗekei maku me kenu ma̱ ta̱wa̱ ma shamgba kelime ke le. Ɗa u danai, “N dana ɗa̱ mayun, sai i sabaꞋa ka̱ci ka̱ ɗa̱ i bono an muku n wawaꞋa. Ɗababa, yi a kuꞋuwa o tsugono tsu gaɗi ba.

Adama a nannai, vuza na baci de dem u bonokoi ka̱ci ka̱ ni an maku me kenu ma nam pa, a̱yi ɗa vuzagbayin o tsugono tsu gaɗi.

“Vuza na kpamu wi isai maku me kenu tsu nam pa n kula ku va̱, mpa ɗa wi isai.”

Yesu u danai feu, “N dana ɗa̱ ta̱ mayun, Ka̱shile gaɗi ki ta̱ a̱ kushuku n ili i na de dem yu ushuki n i ɗa a aduniyan, amma wi ta̱ a̱ kusa̱nka̱ n ili i na de dem i sa̱nka̱i.

“Mogono ma nam pa ma yaꞋan ta̱ ili i na Esheku a̱ va̱ a na i gaɗi u kuyaꞋanka ɗa̱ i iwan baci kucinukpaka itoku i ɗa̱ punu a̱ a̱ɗu a̱ ɗa̱.”

Yesu u lyaꞋi kelime ɗa u danai, “Ili ya atakaci i ɗa a̱ ubuta̱ u vuza na u kuzuwa vuza te a̱ ka̱tsuma̱ ka̱ muku n wawaꞋa n na mi o kutono mu a yaꞋan unushi. Uma a nan lo u laꞋa ta̱ n kugaꞋan a taɗuku le a̱ ubuta̱ u na u laꞋi n uga̱vi a mala n kutali ka̱ a̱miki ushiyi e eɗeku e le!

“Maguɓi mi baci nu nlala amangatawun, ɗa me te ma ɓatsai ali ɗa ma̱ puwa̱nka̱i, yi ɗa̱i u kuyaꞋan? Wi ta̱ a̱ kuka̱sa̱kpa̱ amanga̱na̱shinkupa n kuci n na mo okpoi a kalina a nsasan, ka̱ta̱ u bana u la̱nsa̱ ma na ma̱ puwa̱nka̱i va.