Popular Bible Verses from မႃႇ 16

Share

မၼ်းၸဝ်ႈ​ၸင်ႇ​သင်ႇ​သွၼ်ပၼ်​ၶဝ်​လႄႈ​ဝႃႈ၊ “သူ​ၵႂႃႇ​ၵႃႈတီႈ​မိူင်း​လေႃးၵီႇ​ၵူႈတီႈၵူႈလႅၼ်​ၵႃႈမီး​လႄႈ​ႁေႃးလၢတ်ႈ​ၶၢဝ်ႇတြႃးသိူဝ်းပျေႃႇ​ၵႃႈတီႈ​ၵူၼ်း​ၵူႈမဵဝ်း​တင်းသဵင်ႈတင်းလူင်​တႃႉ။

ၵူၼ်း​ဢၼ်​ယုမ်ႇမၢတ်ႈ​မီး​တီႈ​လႂ်​ၵေႃႈ၊တီႈ​ၼၼ်ႈ​တၵ်း​လႆႈ​ႁၼ်​ၼိမိၵ်ႈ​လၢၵ်ႈၶၼႃႇ​ဢၼ်​ဝႃႈ၊ၶဝ်​တၵ်း​ႁေႃႈ​ၽီႁၢႆႉ​လႂ်​ဢွၵ်ႇ​ပႅတ်ႈ​လူၺ်ႈ​ၼႃႇမႃႉ​ၸိုဝ်ႈသဵင်​ၵဝ်​လႄႈ​ၶဝ်​တၵ်း​လၢတ်ႈ​ၵႂၢမ်း​ၽႃႇသႃႇ​ဢၼ်​ပႅၵ်ႇ​ဢၼ်​လၢၵ်ႇ​ပိူင်​လႂ်​ဢေႃႈ။- ၶဝ်​တၵ်း​ယိပ်းၵမ်​ငူး​လႆႈ​ဢေႃႈ။ ပေႃး​ၶဝ်​ၵိၼ်​ငူၼ်ႉ​ဢၼ်​ၸၢင်ႈ​ႁႂ်ႈ​တၢႆ​ၼၼ်ႉ​ၸိုင်၊ၶဝ်​တၵ်း​ၵၢင်းလွတ်ႈ​တင်း​ၽေး​ဢုပၢတ်ႈ​ဢေႃႈ။ ၶဝ်​တၵ်း​ဢဝ်​မိုဝ်း​တၢင်ႇ​ၵႃႈၼိူဝ်​ၵူၼ်းၶႆႈၵူၼ်းပဵၼ်​တင်းလၢႆ​ၼၼ်ႉ​သေလႄႈ​ႁႂ်ႈ​တၢင်းၶႆႈတၢင်းပဵၼ်​ၸိုၼ်ႈ​ႁၢႆ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ၽူႈလႂ်​သေဢမ်ႇဝႃႈ၊ၵေႃႉ​ဢၼ်​ယုမ်ႇမၢတ်ႈ​လႄႈ​ၶၢမ်ႇ​ဢဝ်​မၢင်ႇၵလႃႇ​ပပ်ႉတိၸမ်ႇ​ၼၼ်ႉ​တၵ်း​လႆႈ​ႁွတ်ႈထိုင်​တၢင်း​ဢၼ်​ၵႄႇၶျွတ်ႈ​ဢဝ်​ဢေႃႈ။ ၵေႃႉ​ဢၼ်​ဢမ်ႇ​ယုမ်ႇမၢတ်ႈ​ၼၼ်ႉ​ၸမ်ႉ၊တၵ်း​လႆႈ​ၶၢမ်ႇ​တၢင်း​ဢၼ်​ၸီႇယၢင်ႇ​ဢပျတ်ႈ​ဢေႃႈ။

တပႄးၸဝ်ႈ​ၸိူဝ်း​ၼၼ်ႉ​ၵေႃႈ၊ဢွၵ်ႇ​ၵႂႃႇ​ႁေႃးလၢတ်ႈ​တြႃး​ၸဝ်ႈ​ၵူႈတီႈၵူႈလႅၼ်​ဢေႃႈ။ ၸဝ်ႈၽြႃး​ၵေႃႈ​ၸွႆႈထႅမ်​မႃႉၸႃႉ​ၶဝ်၊ဢဝ်​တင်း​ၼိမိၵ်ႈ​လၢၵ်ႈၶၼႃႇ​ဢၼ်​ၶဝ်​ႁဵတ်း​ၵႃႈမီး​ၸိူဝ်း​ၼၼ်ႉ၊ပဵၼ်​သၢၵ်ႈသေႇ​တီႈ​ၼုၵ်ႈၵပၢတ်ႈ​တြႃး​ၸဝ်ႈ​ဢၼ်​ၶဝ်​ႁေႃးလၢတ်ႈ​ၼၼ်ႉ​မၢၼ်ႇမႅၼ်ႈ​ၸိုဝ်ႈၸႂ်ႈ​ၼၼ်ႉ​ဢေႃႈ။ ဢႃမိၼ်ႈ] [မႄႈယိင်း​ၸိူဝ်း​ၼၼ်ႉ​ၵႂႃႇ​ၵႃႈတီႈ ပေႇတရု၊ ဢိၵ်ႇတင်း​တပႄးၸဝ်ႈ​တင်းလၢႆ​သေလႄႈ​ဢဝ်​လွင်ႈတၢင်း​ဢၼ်​သင်ႇ​ဝႆႉ​လၢတ်ႈ​ဝႆႉ​တီႈ​ၶဝ်​ၵူႈၶေႃႈၵူႈၵမ်း​ၸိူဝ်း​ၼၼ်ႉ​မွၵ်ႇလၢတ်ႈ​ပၼ်​ပွတ်း​ပွတ်း​သေ​ဢေႃႈ။- လိုၼ်းသေ​ၼၼ်ႉ၊ ၸဝ်ႈ​ယေႇသု၊ ပွႆႇၸႂ်ႉ​တပႄးၸဝ်ႈ​တင်းလၢႆ​တၢင်တူဝ်​မၼ်းၸဝ်ႈ​ၵႂႃႇ​ႁေႃးလၢတ်ႈ​ၼုၵ်ႈၵပၢတ်ႈ​တြႃး​ၸဝ်ႈ​ဢၼ်​မူတ်းၸၢင်ႇ​လႄႈ​ပဵၼ်​တြႃး​ၶျွတ်ႈ​ၵူႈၸူဝ်ႈၵူႈပၢၼ်​ၼၼ်ႉ​ၸႃႉၸဵမ်​ၼႃႈ​ဝၼ်း​ဢွၵ်ႇ​တေႃႇ​ႁွတ်ႈ​ၼႃႈ​ဝၼ်း​တူၵ်း​ဢေႃႈ။] ၶၢဝ်ႇတြႃးသိူဝ်းပျေႃႇ​ဢၼ်​သြႃႇ​မႃႇၵု​တႅမ်ႈ​ယဝ်ႉ​ယဝ်ႉ​ဢေႃႈ။

ၵူၼ်းၼုမ်ႇ​ၵေႃႉ​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ “ယႃႇပေ​တူၵ်းၸႂ်။ သူ​ႁႃ ၸဝ်ႈ​ယေႇသု၊ ၵူၼ်း​ဝဵင်း​ ၼႃႇၸရႅတ်ႈ၊ ဢၼ်​လႆႈ​ၶၢမ်ႇ​တွၵ်ႇ​တၢႆ​ၵႃႈၼိူဝ်​သဝ်မႆႉဝႃးမိုဝ်း​ၼၼ်ႉ၊မၼ်းၸဝ်ႈ​လုၵ်ႉ​ၶိုၼ်းလိပ်း​ယဝ်ႉ။ ဢမ်ႇ​မီး​ၵႃႈတီႈ​ၼႆႈ​ယဝ်ႉ။ တူၺ်း​တီႈ​ဢၼ်​ဝႆႉ​တူဝ်တၢႆ​မၼ်းၸဝ်ႈ​ၼႆႉ​တႃႉ။

မိူဝ်ႈ​ဢၼ်​မုင်ႈ​တူၺ်း​ၼၼ်ႉ​ၸိုင်၊ၶဝ်​လႆႈ​ႁၼ်​မၢၵ်ႇႁိၼ်​လူင်​ၼၼ်ႉ​သမ်ႉ​ပေႃး​ၵိင်ႈ​ဢွၵ်ႇ​ဝႆႉ​သေလႄႈ​မီး​ယူႇ​ဢေႃႈ။ မၢၵ်ႇႁိၼ်​ၼၼ်ႉ​ပဵၼ်​မၢၵ်ႇႁိၼ်​ဢၼ်​ယႂ်ႇ​ၼႃႇ​ဢေႃႈ။- ၶဝ်​ၸင်ႇ​ၶဝ်ႈ​ၵႂႃႇ​ၵႃႈၼႂ်း​ပိုင်ႈ​ပႃႇႁဵဝ်ႈ​သေလႄႈ​ထူပ်း​ႁၼ်​ၵူၼ်းၼုမ်ႇ​ၵေႃႉ​ၼိုင်ႈ၊ၼုင်ႈ​သိူဝ်ႈ​ယၢဝ်း​ဢၼ်​ၽိူၵ်ႇ​လီ​ၶၢဝ်​လီ​ၼၼ်ႉ​ၼင်ႈ​ယူႇ​ၵႃႈတီႈ​ၽၢႆႇၶႂႃ​ယူႇ​ၼၼ်ႉ​လႄႈ​ၶဝ်​တူၵ်းၸႂ်​ဢေႃႈ။