Popular Bible Verses from မႃႇ 15

Share

မိူဝ်ႈ​ထိုင်​ၶိင်ႇ​သၢမ်​မွင်း​ဝၢႆးဝၼ်း​ၸိုင်၊ ၸဝ်ႈ​ယေႇသု၊ ႁဵတ်း​သဵင်​ဢၼ်​ယႂ်ႇ​ၼႃႇ​ႁွင်ႉသႅၼ်ႇ​လႄႈ​ဝႃႈ၊ “ဢေးလိ၊ဢေးလိ၊လႃးမႃး၊သႃႇပၵ်ႉသၼိ၊” ဝႃႈ​ၼင်ႇ​ၼႆ​ဢေႃႈ။ ၵႂၢမ်း​ဢၼ်​မၼ်းၸဝ်ႈ​ဝႃႈ​ၼၼ်ႉ​ပွင်ႇဝႃႈ၊ “ၽြႃး​ၵဝ်ၶႃႈ၊ၽြႃး​ၵဝ်ၶႃႈ၊ၵွပ်ႈပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ​ၸုၼ်ႉပႅတ်ႈ​ၵဝ်ၶႃႈ​ၸိူဝ်ႉ​ၼင်ႇ​ႁိုဝ်​တီႈၶႃႈ၊” ဝႃႈ​ၼင်ႇ​ၼႆ​ဢေႃႈ။

ၶုၼ်သိုၵ်းလူင်​ဢၼ်​ၸုၵ်း​ယူႇ​တေႃႇၼႃႈ​ၵၼ်​တင်း​မၼ်းၸဝ်ႈ​ၼၼ်ႉ၊လႆႈ​ႁၼ်​လွင်ႈတၢင်း​ဢၼ်​မၼ်းၸဝ်ႈ​ႁွင်ႉသႅၼ်ႇ​ထွတ်ႇ​ၸႂ်​ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင်၊လၢတ်ႈ​လႄႈ​ဝႃႈ၊ “ၸႂ်ႈ​တႄႉ​ယဝ်ႉ။ ၵေႃႉ​ၼႆႉ​ပဵၼ်​လုၵ်ႈၽြႃးပဵၼ်ၸဝ်ႈ​တႄႉ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

မိူဝ်ႈ​ၼၼ်ႉ၊ၽႃႈၵင်ႈ​တီႈ​မူတ်းၸၢင်ႇ​ၵျွင်း​ပိၵ်ႈမၢၼ်ႇ​ၸဝ်ႈ​သိၵ်ႇ​ၶၢတ်ႇ​ၵႂႃႇ​တႄႇ​ဢဝ်​တီႈ​ႁူဝ်​ၵႂႃႇ​တေႃႇ​ႁွတ်ႈထိုင်​တိၼ်​ဢေႃႈ။

ၸဝ်ႈ​ယေႇသု၊ သမ်ႉ​ႁဵတ်း​သဵင်​ဢၼ်​ယႂ်ႇ​ၼႃႇ​ႁွင်ႉသႅၼ်ႇ​လႄႈ​ထွတ်ႇ​ၸႂ်​မၼ်းၸဝ်ႈ​ၵႂႃႇ​သေ​ဢေႃႈ။

မိူဝ်ႈ​ထိုင်​ၶိင်ႇ​ၵၢင်ဝၼ်းတဵင်ႈ​ၸိုင်၊ၵၢင်ဝၼ်း​လပ်းသိင်ႇ​ၽိတ်း​ၽိတ်း​ၵႂႃႇ​တင်း​မိူင်း​ႁိုင်​သၢမ်​မွင်း​ဢေႃႈ။

ၶုၼ်​ ပိလတ်ႉ၊ ၵေႃႈ၊ၼင်ႇ​ႁိုဝ်​မူႇၵူၼ်း​တင်းလၢႆ​တၵ်း​ပျေႇၸႂ်​ၸိုင်၊ပွႆႇလွတ်ႈ​ ပႃႇရပ်ႉပႃႉ၊ ပၼ်​ပုၼ်ႈ​ၶဝ်​ယဝ်ႉ​ၸင်ႇ၊ပေႃႉ​ယႅၼ်ႉ​ ၸဝ်ႈ​ယေႇသု၊ သေလႄႈ​ဢဝ်​ဢၢပ်ႈပၼ်​ႁႂ်ႈ​ၶဝ်​လႆႈ​တွၵ်ႇၸပ်း​ၵႃႈၼိူဝ်​သဝ်မႆႉဝႃးမိုဝ်း​ၼၼ်ႉ​သေ​ဢေႃႈ။