ၸဝ်ႈယေႇသု၊ ၵိူတ်ႇလဵင်ႉမႃးၵႃႈၼႂ်းဝဵင်း ပႅတ်ႉလႁႅမ်ႇ၊ မိူင်း ယုတႃႉ၊ ၼႂ်းၸူဝ်ႈပၢၼ်ၶုၼ် ႁေႇရူတ်ႈ၊ ပဵၼ်ၸဝ်ႈၽႃႉၼၼ်ႉဢေႃႈ။ ၼႂ်းၶိင်ႇၵႃႇလႃႉၼၼ်ႉၵူၼ်းဢၼ်မီးပိင်ႇၺႃႇၸိူဝ်းဢၼ်မေႃတူၺ်းၼၢၵ်ႈၶၢတ်ႈလိူၼ်လၢဝ်ၼၼ်ႉ၊လုၵ်ႉသေမိူင်းၽၢႆႇတၢင်းဝၼ်းဢွၵ်ႇႁွတ်ႈမႃးၵႃႈတီႈဝဵင်း ယေႇရုသလႅမ်ႇ၊ လႄႈ၊- တွင်ႈထၢမ်လႄႈဝႃႈ၊ “ၸဝ်ႈလုၵ်ႈဢွၼ်ႇဢၼ်တၵ်းပဵၼ်ၶုၼ်ႁေႃၶမ်းၵူၼ်းမဵဝ်း ၵျူး၊ ၼၼ်ႉ၊ၵိူတ်ႇလဵင်ႉမႃးၵႃႈတီႈလႂ်ၶႃႈ။ ႁဝ်းၶႃႈလႆႈႁၼ်လၢဝ်မၼ်းၸဝ်ႈပေႃႇ ဢွၵ်ႇမႃးၽၢႆႇတၢင်းမိူင်းဝၼ်းဢွၵ်ႇပုၼ်ႉလႄႈ၊ႁဝ်းၶႃႈၸွမ်းႁွတ်ႈၽႅဝ်မႃးၼႆႉႁႂ်ႈလႆႈၶုပ်ႉဝႆႈမၼ်းၸဝ်ႈဢေႃႈ၊” ဝႃႈၼင်ႇၼႆဢေႃႈ။