Popular Bible Verses from မတ်ႈ 1

Share

မၼ်း​တၵ်း​ၵိူတ်ႇလဵင်ႉ​လုၵ်ႈၸၢႆး​မႃး​လႄႈ၊မႂ်း​တၵ်း​လႆႈ​ႁွင်ႉ​ႁဵၵ်ႈ​ၸိုဝ်ႈ​ ယေႇသု၊ ဝႃႈၼႆ၊ၵွပ်ႈပိူဝ်ႈ​မၼ်း​ၼၼ်ႉ​တၵ်း​ၵႄႇၶျွတ်ႈ​ဢဝ်​ၵူၼ်း​မဵဝ်း​မၼ်း​ဢွၵ်ႇ​သေ​ၵႃႈၼႂ်း​ဢပျတ်ႈ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

“တူၺ်း​လူး၊သၢဝ်​ၵၼ်ႇၺႃႇ​တၵ်း​ပႃး​ပတိၵ်ႈသၼ်ႇထေႇ​လႄႈ၊ ၵိူတ်ႇလဵင်ႉ​လုၵ်ႈၸၢႆး​မႃး​ဢေႃႈ။ လုၵ်ႈၸၢႆး​ၼၼ်ႉ​တၵ်း​လႆႈ​ႁွင်ႉ​ႁဵၵ်ႈ​ၸိုဝ်ႈ​ ဢေႇမႃႇၼူၺ်ႇလႃႉ၊ ဢေႃႈ၊” ဝႃႈၼႆ​မီး​မႃး​ၼၼ်ႉ၊တၵ်း​ပျေႉၸုမ်ႇ​ၸိုင်၊ၸင်ႇ​ပဵၼ်​ဢေႃႈ။ ဢေႇမႃႇၼူၺ်ႇလႃႉ၊ ၼႆႉ၊ၶႂ်ႈဝႃႈ၊ “ၽြႃးပဵၼ်ၸဝ်ႈ​မီး​ယူႇ​လူၺ်ႈ​ၵၼ်​တင်း​ႁဝ်း၊” ဝႃႈၼႆ​ဢေႃႈ။

ယၢမ်း​မိူဝ်ႈ​ဢၼ်​မၼ်း​ယင်း​ၵျၢမ်ႇ​ဢၢင်ႈ​ၶႂ်ႈ​ႁဵတ်း​ၸိူဝ်ႉ​ၼင်ႇ​ၼၼ်​ၼၼ်ႉ​တမၢၼ်ႇၵၢင်ႁၢဝ်​ထႃႇဝရႃႉ​ၽြႃး​ပေႃႇမႃး​တီႈ​မၼ်း​ၼႂ်း​တၢင်း​ၼွၼ်းၽၼ်​လႄႈ​လၢတ်ႈ​ဝႃႈ၊ “ ယူဝ်းသႅပ်ႈ၊ ၸိူဝ်ႉၶိူဝ်း​ တႃႇဝိတ်ႈ၊ ႟၊ယႃႇပေ​ၵူဝ်ႁႄ​ပုၼ်ႈ​ဢၼ်​တၵ်း​သိမ်းဢဝ်​ မႃႇရိ၊ ႁႂ်ႈလႆႈ​ပဵၼ်​မေး​မႂ်း။ ပတိၵ်ႈသၼ်ႇထေႇ​ဢၼ်​တႄႇပဵၼ်​ၼႂ်း​မၼ်း​ၼၼ်ႉ၊ပဵၼ်​ၵွပ်ႈပိူဝ်ႈ​ဝိၺိၺ်ႇ​ဢၼ်​မူတ်းၸၢင်ႇ​ၸဝ်ႈ​ဢေႃႈ။

လွင်ႈတၢင်း​ဢၼ်​ ၸဝ်ႈ​ယေႇသု၊ ၵိူတ်ႇလဵင်ႉ​မႃး​ၸမ်ႉ၊ မႄႈၸဝ်ႈ​ မႃႇရိ၊ ၼၼ်ႉ၊မႆ​မၼ်ႈ​ၵၼ်​ဝႆႉ​တင်း​ ယူဝ်းသႅပ်ႈ၊ ဢေႃႈ။ ၵူၺ်းၵႃႈ၊မိူဝ်ႈ​ဢၼ်​ၶဝ်​သွင်​ၵေႃႉ​ယင်း​ဢမ်ႇ​ပႆႇ​လႆႈ​တိူဝ်ႉ​လႆႈ​ထုၵ်ႇၵၼ်​ၼၼ်ႉ၊ မႃႇရိ၊ ပႃး​ပတိၵ်ႈသၼ်ႇထေႇ​မႃး​ၵွပ်ႈပိူဝ်ႈ​ဝိၺိၺ်ႇ​မူတ်းၸၢင်ႇ​ၸဝ်ႈ​ဢေႃႈ။- ယူဝ်းသႅပ်ႈ၊ ဢၼ်​ပဵၼ်​ၽူႈမၢႆ​မၼ်း​ၼၼ်ႉ၊ပဵၼ်​ၵူၼ်းလီ​ၵူၼ်း​ငၢမ်း​လႄႈ၊ဢမ်ႇ​ၶႂ်ႈႁႂ်ႈ​သရေႇ​ မႃႇရိ၊ လႆႈ​လု​ၽၢႆႇၼႃႈ​ၵူၼ်း​ၼၼ်ႉ​ၸင်ႇ၊ၵျၢမ်ႇ​ဢၢင်ႈ​လွမ်​ယႃႉ​သဵတ်ႈၸႃႇ​ၶဝ်​သွင်​ၵေႃႉ​ပႅတ်ႈ​တဵတ်ႇတဵတ်ႇ​ဢေႃႈ။