Popular Bible Verses from လု 18

Share

မိူဝ်ႈ​ၼၼ်ႉ၊ ၸဝ်ႈ​ယေႇသု၊ ဢဝ်​တင်း​ၵႂၢမ်း​ဢုပမႃႇ​လၢတ်ႈၼႄ​ၶဝ်၊ႁႂ်ႈလႆႈ​သွၼ်ပၼ်​လွင်ႈ​ၼင်ႇ​ႁိုဝ်​ၶဝ်​တၵ်း​ဢမ်ႇ​ၸႂ်လု​လႄႈ​တၵ်း​သူးတွင်း​ယူႇ​သေႇ​သေႇ​လႄႈ​ဝႃႈ​ၸမ်ႉ၊

ၸွင်ႇ​ၽြႃးပဵၼ်ၸဝ်ႈ​တၵ်း​ဢမ်ႇ​ၸီႇယၢင်ႇ​ၽၢႆႇ​ၵူၼ်း​မၼ်းၸဝ်ႈ​ဢၼ်​လဝ်ႈ​ယွၼ်း​တၢင်း​ဢၼ်​ၸွႆႈထႅမ်​မႃႉၸႃႉ​ယူႇ​ၵူႈဝၼ်း​ၵူႈၶိုၼ်း​ၼၼ်ႉ​ႁိုဝ်း။ ၸွင်ႇ​မၼ်းၸဝ်ႈ​တၵ်း​ၼၢၼ်း​ၸွႆႈထႅမ်​မႃႉၸႃႉ​ၶဝ်​ႁိုဝ်း။- ၵဝ်​ဝႃႈ​တီႈ​သူ​ၸမ်ႉ၊မၼ်းၸဝ်ႈ​တၵ်း​ယူႇ​ၽၢႆႇ​ၶဝ်​လႄႈ​ၸီႇယၢင်ႇ​ပၼ်​ၶၼ်ၶၼ်ၽႂ်းၽႂ်း​ဢေႃႈ။ ၼႂ်းဝႃႈၼၼ်​သေၵေႃႈ၊မိူဝ်ႈ​ဢၼ်​ လုၵ်ႈၵူၼ်း၊ မႃး​ၼၼ်ႉ၊ၸွင်ႇ​မၼ်းၸဝ်ႈ​တၵ်း​ထူပ်း​ႁၼ်​တၢင်းယုမ်ႇမၢတ်ႈ​ၵႃႈၼိူဝ်​လိၼ်မိူင်း​ၼႆႉ​ႁိုဝ်း၊” ၸဝ်ႈၽြႃး​ဝႃႈ​ၼင်ႇ​ၼႆ​ဢေႃႈ။

ၸဝ်ႈ​ယေႇသု၊ ၶိုၼ်း​လၢတ်ႈ​လႄႈ​ဝႃႈ၊ “မဵဝ်း​ဢၼ်​ၵူၼ်း​ဢမ်ႇ​တၢတ်ႈၼိူင်ႇ​လႆႈ​ၼၼ်ႉ၊ၽြႃးပဵၼ်ၸဝ်ႈ​တၢတ်ႈၼိူင်ႇ​လႆႈ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ၶုၼ်​ၼၼ်ႉ၊ယင်း​ဢမ်ႇ​ဝႆႉ​ဢမု​လႄႈ​ယူႇ​ႁိုင်​တၢၼ်ႇတၢၼ်ႇ​သေယဝ်ႉ၊ၵမ်းလိုၼ်း​မၼ်း​ၵျၢမ်ႇပွင်​ၵႃႈၼႂ်း​ၸႂ်​မၼ်း​လႄႈ​ဝႃႈ၊ ‘ပိၵ်ႉသမ်ႉ​ၵဝ်​ဢမ်ႇ​ၵူဝ်ႁႄ​ၽြႃးပဵၼ်ၸဝ်ႈ​လႄႈ ဢမ်ႇ​ၼပ်ႉ​ဢမ်ႇ​ၶၢၼ်း​ၵူၼ်း​တင်းလၢႆ၊- ၵူၺ်းၵႃႈ၊မႄႈမၢႆႈ​ၵေႃႉ​ၼႆႉ​မႃး​ပၼ်​တုၵ်ႉၶႃႉ​တီႈ​ၵဝ်​ၼမ်ၼႃႇ​လႄႈ ၵဝ်​တၵ်း​ဢဝ်​တြႃး​တၢင်း​ဢၼ်​သိုဝ်ႈတေႃႇ​ၸီႇယၢင်ႇ​ပၼ်​ၽၢႆႇ​မၼ်း​ယဝ်ႉ။ ပေႃး​ဢမ်ႇၼၼ်​မၼ်း​တၵ်း​မႃး​ၶိူဝ်းၶိူဝ်း​ယႂ်းယႂ်း​လႄႈ​ႁႂ်ႈ​ၵဝ်​ယၢပ်ႇၸႂ်​ၵူၺ်း​ဢေႃႈ၊’ ဝႃႈ​ၼင်ႇ​ၼႆ​ယဝ်ႉ၊” ဝႃႈ​ၼင်ႇ​ၼႆ​ဢေႃႈ။

ၵဝ်​ဝႃႈ​တီႈ​ၸိုဝ်ႈၸႂ်ႈ​မၼ်း​တီႈ​သူ​ၸမ်ႉ၊ၽူႈလႂ်​သေဢမ်ႇဝႃႈ၊ၵေႃႉ​ဢၼ်​ဢမ်ႇ​ၶၢမ်ႇ​ဢဝ်​မိူင်းၽြႃးပဵၼ်ၸဝ်ႈ၊မိူၼ်​ၸိူဝ်ႉ​ၼင်ႇ​ဢၼ်​လုၵ်ႈဢွၼ်ႇ​တင်းလၢႆ​ၶၢမ်ႇ​ဢဝ်​ၼၼ်ႉ၊ၵေႃႉ​ၼၼ်ႉ​ဢမ်ႇ​လႆႈ​ၶဝ်ႈ​ၵႃႈၼႂ်း​မိူင်းၽြႃးပဵၼ်ၸဝ်ႈ၊” ဝႃႈ​ၼင်ႇ​ၼႆ​ဢေႃႈ။

ၵူၺ်းၵႃႈ၊မၼ်းၸဝ်ႈ​ႁွင်ႉ​ဢဝ်​ၶဝ်​ၸိူဝ်း​ၼၼ်ႉ​မႃး​ၵႃႈတီႈ​မၼ်းၸဝ်ႈ​လႄႈ​လၢတ်ႈ​ဝႃႈ၊ “ႁႂ်ႈ​လုၵ်ႈဢွၼ်ႇ​ၸိူဝ်း​ၼၼ်ႉ​မႃး​ၵႃႈတီႈ​ၵဝ်​တႃႉ။ ယႃႇပေ​ႁၢမ်ႈတၢပ်ႈ​ၶဝ်။ မိူင်းၽြႃးပဵၼ်ၸဝ်ႈ​ပဵၼ်​မိူင်း​ပုၼ်ႈ​မဵဝ်း​လုၵ်ႈဢွၼ်ႇ​ၸိူဝ်ႉ​ၼင်ႇ​ၼႆ​ဢေႃႈ။

ၸဝ်ႈ​ယေႇသု၊ ၵေႃႈ​လၢတ်ႈ​လႄႈ​ဝႃႈ၊ “ႁႂ်ႈ​မၢၵ်ႇတႃ​မႂ်း​လႆႈ​ဢၼ်လႅင်း​တႃႉ။ တၢင်းယုမ်ႇမၢတ်ႈ​မႂ်း​ၼၼ်ႉ​ႁဵတ်း​ႁႂ်ႈ​မႂ်း​လီ​ၸႂ်​ယဝ်ႉ၊” ဝႃႈ​ၼင်ႇ​ၼႆ​ဢေႃႈ။

ၸဝ်ႈ​ယေႇသု၊ ၶိုၼ်း​လၢတ်ႈ​တီႈ​မၼ်း​လႄႈ​ဝႃႈ၊ “ႁဵတ်းသင်​လႄႈ​မႂ်း​ႁွင်ႉ​ၵဝ်​ဝႃႈ၊ဢၼ်​မျၢတ်ႈ​လီ​ဝႃႈၼႆ​ၼင်ႇ​ႁိုဝ်။ လိူဝ်​သေ​ၽြႃးပဵၼ်ၸဝ်ႈ​ၵူၺ်း​ၽူႈလႂ်​ဢမ်ႇ​မျၢတ်ႈ​လီ​သေၵေႃႉ။