Popular Bible Verses from လု 17

Share

သမ်ႉ​လၢတ်ႈ​တီႈ​ၵေႃႉ​ၼၼ်ႉ​လႄႈ​ဝႃႈ၊ “လုၵ်ႉ​လႄႈ​မိူဝ်း​ၵႂႃႇ​တႃႉ။ တၢင်းယုမ်ႇမၢတ်ႈ​မႂ်း​ႁဵတ်း​ႁႂ်ႈ​တၢင်းၶႆႈတၢင်းပဵၼ်​မႂ်း​ႁၢႆ​ယဝ်ႉ၊” ဝႃႈ​ၼင်ႇ​ၼႆ​ဢေႃႈ။

ပေႃး​မၼ်း​မႃး​ၽိတ်း​မႂ်း​ၸဵတ်း​ပွၵ်ႈ​ၼႂ်း​ဝၼ်း​လဵဝ်​ၵူၺ်း​လႄႈ​မၼ်း​သမ်ႉ​မႃး​လၢတ်ႈ​ဝႃႈ၊ ‘ၵဝ်​ၶုၵ်းၸႂ်လႆႈ​မႆႈၸႂ်​ဢပျတ်ႈ​လႄႈ​ပိၼ်ႇၸႂ်​ယဝ်ႉ၊’ ဝႃႈၼႆ​ပွၵ်ႈ​လႂ်​ပွၵ်ႈ​ၼၼ်ႉ​ၸိုင်၊မႂ်း​တၵ်း​လႆႈ​ပွႆႇ​ၶႂၢင်း​ပၼ်​တၢင်းၽိတ်း​မၼ်း​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ၼႂ်း​ၶဝ်​ၼၼ်ႉ​ၵေႃႉ​ၼိုင်ႈ၊လႆႈ​ႁၼ်​တုတ်ႈ​မၼ်း​မူတ်းသႂ်​ယဝ်ႉ​ၼၼ်ႉ​လႄႈ​ၶိုၼ်း​ပွၵ်ႈ​မႃး​သေယဝ်ႉ၊ယွင်ႈယေႃး​ၽြႃးပဵၼ်ၸဝ်ႈ​လူၺ်ႈ​တင်း​သဵင်​ဢၼ်​ယႂ်ႇ​ၼႃႇ​ဢေႃႈ။- မၼ်း​ၶုပ်ႉမူပ်ႇ​ႁိမ်း​တိၼ်​ ၸဝ်ႈ​ယေႇသု၊ လႄႈ​လၢတ်ႈ​ဝႃႈ၊ “ၵျေးၸူး​ၸဝ်ႈႁဝ်း​ယႂ်ႇ​ၼႃႇ​ၶႃႈ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။ ၵေႃႉ​ၼၼ်ႉ​ပဵၼ်​ၵူၼ်း​မဵဝ်း​ သမႃႇရိ၊ ဢေႃႈ။

ႁဵတ်း​သတိ​တီႈ​တူဝ်ၸဝ်ႈၵဝ်ႇ​တႃႉ။ “ပေႃး​ပီႈၼွင်ႉ​မႂ်း​ႁဵတ်း​တၢင်းၽိတ်း​တေႃႇ​မႂ်း​ၸိုင်၊သင်ႇ​သွၼ်​သုင်းမႃႉ​မၼ်း​တႃႉ။ ပေႃး​မၼ်း​ၶုၵ်းၸႂ်လႆႈ​မႆႈၸႂ်​ဢပျတ်ႈ​လႄႈ​ပိၼ်ႇၸႂ်​ၸိုင်၊ပွႆႇ​ၶႂၢင်း​ပၼ်​တၢင်းၽိတ်း​မၼ်း​တႃႉ။

ၸဝ်ႈ​ယေႇသု၊ ၵေႃႈ​ထၢမ်​လႄႈ​ဝႃႈ၊ “ၵူၼ်း​သိပ်း​ၵေႃႉ​လႆႈ​ႁွတ်ႈထိုင်​တၢင်း​ဢၼ်​မူတ်းသႂ်​ဢမ်ႇၸႂ်ႈ​ႁိုဝ်း။ ၵဝ်ႈ​ၵေႃႉ​ၼၼ်ႉ​မီး​ၵႃႈတီႈလႂ်။

ၸဝ်ႈၽြႃး​ၶိုၼ်း​လၢတ်ႈ​လႄႈ​ဝႃႈ၊ “ပေႃး​တၢင်းယုမ်ႇမၢတ်ႈ​သူ​မီး​ထၢၼ်ႇ​မဵတ်ႉ​ၽၼ်း​ၽၵ်းၵၢတ်ႇ​မဵတ်ႉ​ၼိုင်ႈ​ၵူၺ်း​ၵေႃႈ​ပေႃး​သူ​လၢတ်ႈ​တီႈ​တူၼ်ႈ​မၢၵ်ႇလိူဝ်ႇ​လႄႈ​ဝႃႈ၊ ‘ထူၺ်ႈ​ဢဝ်​ၸဵမ်​ႁၢၵ်ႈ​မႂ်း​လႄႈ​ၵႂႃႇ​ပၵ်း​ယူႇ​ၵႃႈၼႂ်း​ၼမ်ႉ​ပၢင်ႇလၢႆႇ​ပုၼ်ႉ​တႃႉ၊’ ဝႃႈ​ၼင်ႇ​ၼႆ​ၸိုင်၊တူၼ်ႈ​ၼၼ်ႉ​တၵ်း​ထွမ်ႇဢဝ်​ၵႂၢမ်း​သူ​ဢေႃႈ။

ၽူႈလႂ်​သေဢမ်ႇဝႃႈ၊ၵေႃႉ​ဢၼ်​ၶႂ်ႈ​ၵႄႇသႄႇ​ဢဝ်​ဢသၢၵ်ႈ​တူဝ်ၸဝ်ႈၵဝ်ႇ​ၼၼ်ႉ ၵေႃႉ​ၼၼ်ႉ​တၵ်း​သုမ်း​ဢသၢၵ်ႈ​ဢေႃႈ။ ၽူႈလႂ်​သေဢမ်ႇဝႃႈ၊ၵေႃႉ​ဢၼ်​သုမ်း​ဢသၢၵ်ႈ​ၼၼ်ႉ ၵေႃႉ​ၼၼ်ႉ​တၵ်း​ၵႄႇသႄႇ​ဢဝ်​ဢသၢၵ်ႈ​တူဝ်ၸဝ်ႈၵဝ်ႇ​ဢေႃႈ။

ၸဝ်ႈ​ယေႇသု၊ လၢတ်ႈ​တီႈ​တပႄးၸဝ်ႈ​ၸိူဝ်း​ၼၼ်ႉ​လႄႈ​ဝႃႈ၊ “ၶိူင်ႈ​ဢၼ်​ၶီႈလိုတ်း​ဢၼ်​ႁဵတ်း​ႁႂ်ႈ​ၽိတ်းပိူင်ႈ​တြႃး​ၵႂႃႇ​ၼၼ်ႉ​တၵ်း​ပဵၼ်​မႃး​ဢေႃႈ။ ၵူၺ်းၵႃႈ၊ၵေႃႉ​ဢၼ်​ႁဵတ်း​ႁႂ်ႈ​ၶီႈလိုတ်း​ၼၼ်ႉ႟။ မႂ်း​မီး​ဢႃႉမၢင်ႇၵလႃႇ​ဢေႃႈ။- တီႈ​ၵေႃႉ​ၼၼ်ႉ ပေႃး​ဢဝ်​မၢၵ်ႇႁိၼ်​လူၺ်​မတ်ႉ​ႁွႆႈ​ၶေႃး​မၼ်း​လႄႈ​ဢဝ်​ထိမ်ႈ​တူၵ်း​ၵႃႈၼႂ်း​ၼမ်ႉ​ပၢင်ႇလၢႆႇ​တီႈ​ဢၼ်​လိုၵ်ႉ​ၼၼ်ႉ​ၸိုင်၊ယဵင်ႈၶႅၼ်း​တေ​လီ​သေၵေႃႉ​ဢၼ်​ႁႂ်ႈ​လုၵ်ႈဢွၼ်ႇ​ၸိူဝ်း​ၼႆႉ​သေၵေႃႉသေၵူၼ်း​ၶီႈလိုတ်း​လႄႈ​လႆႈ​ႁဵတ်း​ဢပျတ်ႈ​ၼၼ်ႉ​ဢေႃႈ။

ၸိူဝ်ႉ​ၼင်ႇ​ဢၼ်​ပဵၼ်​ယဝ်ႉ​ၼႂ်း​ၸူဝ်ႈပၢၼ်​ ၼူဝ်းဢႃႇ၊ ၼၼ်ႉ၊တၵ်း​ပဵၼ်​ၼႂ်း​ဝၼ်း​ လုၵ်ႈၵူၼ်း၊ ဢေႃႈ။- ၵူၼ်း​တင်းလၢႆ​ဢွၼ်ၵၼ်​ၵိၼ်​ယူႇ၊ဢဝ်ၽူဝ်​ဢဝ်မေး​တေႃႇထိုင်ႁွတ်ႈ​ဝၼ်း​ဢၼ်​ ၼူဝ်းဢႃႇ၊ ၶဝ်ႈ​ႁိူဝ်းသၢင်းၽေႃး​သေယဝ်ႉ၊ၼမ်ႉ​ထူမ်ႈ​မိူင်း​လႄႈ​ဢဝ်တၢႆ​ၶဝ်​တင်းသဵင်ႈတင်းလူင်​ၼၼ်ႉ​ဢေႃႈ။