Popular Bible Verses from Marc 2

Share

Jésus ama ala si lo tene na ala: “Azo so ayeke na nzoni tere ayeke na nzara ti gue ti baa wanganga pepe; me gi azo ti kobela laa ayeke na nzara ti gue ti baa wanganga. Mbi ga ti iri azo so ayeke mbirimbiri pepe, me mbi ga ti iri azo ti siokpari.”

Jésus abaa mabe ti azo ni si lo tene na zo so mbage ti tere ti lo abuba so, lo tene: “Molenge ti mbi, a zi asiokpari ti mo awe.”

Jésus akiri atene na ala: “A sara lango ti wungo tere ndali ti zo, me a sara zo ndali ti lango ti wungo tere pepe.

Lege ti gue na lo na Jésus ayeke daa pepe, ngbanga ti so azo ayeke gbani gbani. Tongaso ala gue na li ti da ni, ala zi mbage ti li ti da ni taa na ndö ti Jésus si ala yoro koli so na kelekpa ti lo kue na Jésus.

Me ti sara si ala hinga atene, *Molenge ti Zo ayeke na ngangu ti zi asiokpari na ndö ti sese so, Jésus atene na zo so mbage ti tere ti lo abuba so, atene: “Londo, mo mu kelekpa ti mo, mo gue na da ti mo!”

Ti tene na zo so mbage ti tere ti lo abuba so, atene: ‘A zi asiokpari ti mo awe’, wala ti tene: ‘Londo, mo mu kelekpa ti mo, mo tambula’, so wa laa ayeke ngangu pepe?”

Gi hio tongaso, koli ni alondo na le ti azo kue, lo mu kelekpa ti lo si lo gue. Azo so ayeke kâ si abaa lo, li ti ala kue akpe; ala gonda Nzapa, atene: “E de ti baa mara ti ye tongaso laoko pepe!”