Popular Bible Verses from Marc 13

Share

Azo kue ayeke ke ala ndali ti mbi; me zo so ayeke gbu ngangu ngbii asi na ndani, fade lo yeke soo kuâ.”

Le ti ala akpengba! Ala lango pepe, ngbanga ti so ala hinga ngoi ni pepe.

Tongana a gbu ala ti gue na ala na gbe ti ngbanga, ala gi be ti ala kozoni pepe, atene: ‘Tënë ti nyen laa e yeke tene ande, nyen?’ Me na ndembe ni, ala tene gi tënë so Nzapa ayeke zia na yanga ti ala. Biani, tënë ni ayeke londo na ala pepe, me ayeke londo na Yingo-Vuru.

Fade yayu na sese ayeke hon, me atënë ti mbi ayeke hon oko pepe.”

“Ti lango ti singo ti aye ni wala ngbonga ni, zo oko ahinga pepe: ataa *a-ange so ayeke na yayu, ataa Molenge ni; gi Babâ oko laa ahinga ni.

Ala azo ti mbi, tongana ala yeke ma tënë ti bira so aga nduru wala tënë ti bira so angba yongoro, ala sara mbeto pepe! Alingbi aye so asi, me so laa ayeke hunzingo ti aye kue pepe.

Ala lango pepe, ngbanga ti so ala hinga lango so wa ti da ni ayeke ga ande na ni pepe: wala na lakui, wala na be ti bi, wala na kozo toto ti kondo, wala na ndaperere, ala hinga pepe. Tongana lo si na ndembe kue, ayeke nzoni lo wara ala na lango pepe. Tënë so mbi tene na ala so, mbi tene na azo kue: Ala lango pepe!”

Fade mbeni mara ayeke londo ti tiri na mbeni mara, mbeni kodro-gbia ayeke londo ti tiri na mbeni kodro-gbia; sese ayeke yingi na ando nde nde, kota nzara ayeke ga. Fade aye so ayeke duti tongana kozo songo ti ya ti wali so aga nduru ti du.

Alingbi a fa Nzoni Tënë na amara kue kozoni si.

Fade azo mingi ayeke ga na iri ti mbi si zo oko oko ayeke tene: ‘Mbi laa mbi yeke *Mesii!’ Ala yeke handa gba ti azo.

Me ti ala, ala sara hange! Fade azo ayeke gue na ala na gbe ti ngbanga; azo ayeke pika ala na ya ti ada ti sambelango Nzapa. Ala yeke luti na le ti agovoronere na agbia ndali ti mbi titene ala tene tënë ti mbi na le ti ala.

Biani, fade amesii ti mvene na awayanga-Nzapa ti mvene ayeke ga si ala yeke sara aye ti kpene na aye ti dongo be ti handa na azo. Tongana lege ayeke daa, ataa azo so Nzapa asoro ala, ala yeke handa ala.

“Me na ya ti alango ni so, na peko ti ngoi ti apasi so, fade le ti lâ ayeke vuko, nze ayeke kiri ti su pepe, atongoro ayeke londo na nduzu ti ti na sese si angangu so ayeke na le ti nduzu ayeke yingi.