Popular Bible Verses from Marc 12

Share

Jésus akiri tënë na lo: “Ndia so ayeke kota ayeke so: ‘Ala azo ti Israel, ala ma! *Kota Gbia Nzapa ti e, ayeke gi lo oko Kota Gbia. Alingbi mo ye Kota Gbia Nzapa ti mo na be ti mo kue, na yingo ti mo kue, na tënë ti be ti mo kue na ngangu ti mo kue.’ Ndia ti use ni ayeke so: ‘Mo ye mba ti mo zo tongana ti so mo ye tere ti mo wani.’ Ambeni ndia so ayeke kota ahon ala use so ayeke daa pepe.”

Tongaso Jésus airi adisiple ti lo si lo tene na ala: “Mbi tene na ala taa-tënë: wali-mua so ayeke wayere so abi nginza na ya ti sanduku ni ahon tanga ti azo kue. Biani, tanga ti azo ni abi ti ala nginza so ala yeke na ye ti sarango na ni pepe; me ti lo, na ya ti yere ti lo, lo bi nginza so kue angba na lo ti te na kobe.”

Na pekoni, Jésus aduti na ya ti kota da ti Nzapa na tere ti sanduku ti nginza si lo yeke baa lege so gba ti azo ayeke bi nginza na ya ni. Azo ti mosoro mingi atuku gba ti nginza daa. Mbeni wali-mua so ayeke wayere aga na akete kete le ti nginza use si abi na ya ni.

Ayeke nzoni zo aye Nzapa na be ti lo kue, na ndara ti lo kue nga na ngangu ti lo kue. Ayeke nzoni lo ye nga mba ti lo zo tongana ti so lo ye tere ti lo wani. So laa ayeke nzoni ahon asandaga ti anyama so a yeke gbi ni kue na wâ, wala asandaga nde nde so azo ayeke mu na Nzapa.”

Tongaso Jésus atene na ala: “Ala futa na kota gbia ti Rome ye so ayeke ti lo, ala futa na Nzapa ye so ayeke ti Nzapa.” Li ti ala kue akpe na peko ti kiringo tënë ti lo so.