Popular Bible Verses from Luka 17

Share

Yexus txawm hais rau tus ntawd tias, “Cia li sawv tsees mus lauj. Koj txojkev ntseeg ua rau koj zoo lawm.”

Yog ib hnub nws ua txhaum rau koj xya zaus thiab tuaj cuag koj xya zaus thiab hais rau koj tias, ‘Kuv ntxeev dua siab lawm,’ koj yuav tsum zam txim rau nws.”

Lawv cov ntawd muaj ib tug, thaum nws pom tias nws zoo lawm ces nws txawm rov los qhuas Vajtswv nrov nrov, thiab khwb nkaus rau ntawm Yexus kotaw ua Yexus tsaug. Tus ntawd yog neeg Xamali.

Nej cia li ceev faj zoo. Yog koj li kwvtij ua txhaum cia li ntuas nws, yog nws ntxeev dua siab tshiab cia li zam txim rau nws.

Yexus txawm hais tias, “Muaj kaum leej zoo mob los tsis yog? Cuaj leeg ntawd dua twg lawm?

Tus Tswv hais tias, “Yog nej muaj kev ntseeg luaj li ib lub noob me me, nej yuav hais tau rau tsob txiv cev no tias, ‘Cia li rho kiag cag mus cog rau hauv hiavtxwv,’ nws kuj yuav mloog nej lus.

Tus uas xav tau nws txojsia yuav piam txojsia, tiamsis tus uas tso nws txojsia tseg, mas yuav cawm tau nws txojsia.

Yexus hais rau nws cov thwjtim tias, “Yeej yuav tsum muaj tej yam ua kom ua txhaum, tiamsis tus uas ua rau lwm tus ua txhaum yuav raug txom nyem lauj! Mas muab ib txhib zeb loj los khi rau tus ntawd caj dab es muab pov rau hauv hiavtxwv kuj zoo dua li cia nws ua rau cov menyuam yaus no ib tug dawm.

Tiam uas Nau‑a nyob zoo li cas, mas hnub uas Neeg leej Tub los yuav zoo ib yam li ntawd. Lawv noj haus ua tshoob qua tub qua ntxhais mus txog hnub uas Nau‑a nkag rau hauv lub nkoj thiab dej los nyab kiag lawv puam tsuaj tag huvsi.