Popular Bible Verses from Luka 16

Share

“Tus uas ua ncaj rau tej yam tsawg kuj yuav ua ncaj rau tej yam ntau. Tus uas ua tsis ncaj rau tej yam tsawg kuj yuav ua tsis ncaj rau tej yam ntau.

Tsis muaj leejtwg yuav ua qhev tau rau ob tug lospav, rau qhov nws yeej yuav ntxub ib tug nyiam ib tug, lossis yuav npuab ib tug saib tsis taus ib tug. Nej yuav ua Vajtswv li qhev thiab ua nyiaj txiag li qhev ua ke tsis tau.”

Yog li ntawd, yog nej ua tsis ncaj rau tej nyiaj txiag uas tsis ncaj, leejtwg yuav muab tej nyiaj txiag uas ncaj cob rau nej? Yog nej ua tsis ncaj rau tej uas yog lwm tus li, leejtwg yuav muab tej uas yog nej li rau nej?

Aplahas hais rau nws tias, ‘Yog lawv tsis mloog Mauxe thiab cov xibhwb cev Vajtswv lus hais, ces txawm yog muaj ib tug sawv hauv qhov tuag los los lawv yeej yuav tsis ntseeg.’ ”

“Txhua tus nrauj pojniam es nws mus yuav dua pojniam tshiab, kuj yog ua txhaum kev nkauj kev nraug, thiab tus uas yuav ib tug pojniam nrauj ua pojniam kuj yog nws deev luag pojniam.