Popular Bible Verses from 1 Yauhas 5

Share

No yog qhov uas peb muaj siab tuab rau ntawm Vajtswv xubntiag, yog peb thov yam twg raws li Vajtswv lub siab nyiam, nws kuj mloog.

Thiab yog peb paub tias Vajtswv mloog peb rau thaum peb thov yam twg, peb kuj paub tias peb tau yam uas thov ntawm nws.

Qhov uas peb hlub Vajtswv yog li no, yog qhov uas peb tuav rawv nws tej lus nkaw. Nws tej lus nkaw tsis ua nra hnyav rau peb, rau qhov txhua tus uas yug ntawm Vajtswv los kuj kov yeej lub ntiajteb. Thiab peb txojkev ntseeg yog qhov uas kov yeej lub ntiajteb.

Tus uas muaj leej Tub kuj muaj txojsia. Tus uas tsis muaj leej Tub kuj tsis muaj txojsia.

Kuv sau tej lus no rau nej cov uas tso siab rau Vajtswv leej Tub lub npe kom nej thiaj paub tias nej muaj txojsia ib txhis tsis kawg.

Peb paub tias txhua tus uas yug ntawm Vajtswv los tsis ua txhaum tiamsis tus Tswv uas yug ntawm Vajtswv los tsom kwm nws, thiab tus uas Phem tsis kov nws.