Popular Bible Verses from Luke 17

Share

Ka Iesu Samaria onotona vonei, ivona, “Emini, ena‑ne. Yam vidoha evaniahei iuna yam vitumahana mamaei.”

Ka aituhu vaneimna goyona ai yau 7 dedewei wayahima auyewa aitamoata nihenina, ka aituhu tuta aitamoata aitamoata wayahina tauna vin'‑omo wayahima, e viamem, na‑vona, ‘Wayahima anua‑vinana, ka aviamem yau goyona wayahima enua‑piahi,’ akanai wamke nau‑wawanim ya goyona habuhabuna enua‑piahi.”

Ka aitam wayahia, tauna Samaria onotona, dueyei vivane avaha vidoha. Wayahina ya nau‑kaiwa nui mavi‑havine, ka tauna movina ananina wayahina Yaubada awa‑vidovidohei. E tauna omo Iesu aena ipeu, vi‑kabubu, e nau‑kaiwei.

Wayahina, udune‑vivinimi! Ka aituhu vaneim wayahima goyona dewei, nau‑wawanim edewa‑dadani evo‑vi‑tunuhi. Ka aituhu vaneim yam vona nononi, ka aituhu nua‑vinana, nau‑wawanim enua‑piahi.

Wayahina, Iesu vi‑tanai, ivona, “Ia! Onoto ai yau 10 habuhabui avo‑vi‑aiai‑neiei, a? Kaiwadi, mani ononotoi ai yau 9 aveta?

Ka Kauvea vona‑nau‑patei, ivona, “Aituhu yami vitumahana mata‑sinisinina utuna deina, itomi ami pata ai taina ananina uveimeyei una‑vona, ‘Esi‑apum ka ena‑ne hawana nihenina, ka tenoke ebagunim,’ e ai‑nana yami vona‑naia na‑dewei deinake.

Aituhu aviyaivia yai nuanua taui ai heta yawai iveimeyei, taui yawai itutu‑haini. Kate aituhu aviyaivia iawaeheu yawai aveimeyei, taui yawai‑vavaha ivaniahei deina.

Ka aitam auyewa wayahina Iesu tauna a tau vi‑muni‑waiwai vonei, ivona, “Tuta tuta pai vito‑nubu bagibagina ivin'‑omo‑nananena tomotau wayahia, ka pai vito‑nubu‑naia iana‑dibidibiei, e dewa goyona idedewei. Ka aituhu koiaka pai vito‑nubu nau‑vevewanei, e mani tomotau dewa goyona idedewei, vona ahiahina, onoto‑nana a dewa‑yaiyai potepotei. Wayahina, aituhu koiaka vi‑tau vi‑peuna, onoto‑nana vidoha aituhu naona yaiana hanu ananina itana‑ipwe otona wayahina, e bebega ihapone na‑opu gavivina deina. Iuna aituhu koiaka aitam tevana yaheyahe taina wayahia deina na‑vo‑vi‑peui, e tevanana dewa goyona dewei, apaina onoto‑nana a dewa‑yaiyai ananina vaniahei Yaubada wayahina.

Tau ma' tanopi yai dewa yau mavi‑havine ana tuta wayahina vivane tau ma' tanopi yai dewa Noa yana tuta wayahina deina. Iuna nonova Noa ya tutea tomotau iamam ka inimnim, ka kadue ononotoi ka vaivinei itavitavine, kadue natunatui iawaehei itavitavine deina a itoava auyewana Noa ya waea igenu wayahina. Ka auyewana wayahina diwaya ananina vin'‑omo, e tomotau‑naia habuhabui vita‑vovoni. Ka tuta tepakaia wayahina yau vin'‑omana an' auyewa wayahina tomotau yai dewa aitamoata tomotau‑naia yai dewa deinake.