Popular Bible Verses from Luka 4

Share

“Omwoyo gwa Musengwa gundiku, kuba yansiiga omuzigo okukobera abaavu Amawulire Amalungi. Yantuma okukobera abasibe nti baidha kulekulwa, n'abatulu nti baidha kubona. Era yantuma okuwonia abo abatuntuzibwa, n'okulangirira omwaka gwa Musengwa ogw'okulokolwa.”

Yesu yairamu ati: “Kyaghandiikibwa kiti, ‘Osinzanga Musengwa Katonda wo, era ni yenka y'ogheerezanga.’ ”

Yesu yaamwiramu ati: “Kyaghandiikibwa kiti, ‘Omuntu taba mulamu lwa mugaati gwonka.’ ”

Yesu yaira okuva ku Yorudani, ng'aidhwire Mwoyo Mutukuvu, era Mwoyo yaamutwala mu irungu

Yesu yaamukoba ati: “Kyaghandiikibwa kiti, ‘Tokemanga Musengwa Katonda wo.’ ”

Sitaani ng'amaze okumukema mu ngeri yoonayoona, yaamuviira okutuusa ng'ebiseera bituuse.

Agho Sitaani yaamutwala ku lusozi era mu kaseera akazira ghe kaaga yaamulaga obwakyabazinga bwonabwona. Yaamukoba ati: “Ndidha kukugha obukumu ku bwakyabazinga obwo bwonabwona n'ebitiibwa byabwo, kuba byampeebwa era ye mba nhenze ye mbigha. Kale bw'okuba amakiryaivu n'onsinza, byonabyona biidha kuba bibyo.” Yesu yairamu ati: “Kyaghandiikibwa kiti, ‘Osinzanga Musengwa Katonda wo, era ni yenka y'ogheerezanga.’ ”

Baava agho Sitaani yaamutwala e Yerusalemu yaamuta ku kasolya ak'eisinzizo, yaamukoba ati: “Oba oli Mwana wa Katonda va ghano weesuule ghansi kuba kyaghandiikibwa kiti, ‘Aliragira bamalaika be baakulabirira, baakukuuma’ era kiti, ‘Balikulera mu ngalo dhaibwe olobe kwekonta kigere ku ibaale.’ ” Yesu yaamukoba ati: “Kyaghandiikibwa kiti, ‘Tokemanga Musengwa Katonda wo.’ ”