Popular Bible Verses from Markus 11

Share

“A yen ta ibar ku tekamuy ta maski am anu ya adangan muy ta pakimallak muy a ikatalak muy la ta neatad nan, a kwa muy hala sangaw.

te kakurugan ya uhohug ku tekamuy ta am ikatalak muy ya panguffun na tekamuy a mabalin ta ibar muy sangaw ta bagetayin ‘Umalit kan te maglattu kan ta bebay,’ a Namaratu mantu ya makkamu petta makkwa hala ya nebar muy, am kakurugan ta awemuy pagduwaduwan ya nonot muy.

Ammi am kada makimallak kam a mappya ta pakoman muy ya nakaliwat tekamuy, petta pakoman na kam hapa na Dama muyewan Namaratu.

A ya uhohug ni Hesus tekid a “Yen ta pake itug muy mina ya pangikatalak muy ta Namaratu

A pake nehuya na kid, “Anu awemuy haman manonot ya uhohug na Namaratu ta suraten, te ‘Gagangay ta balikin yan ya pakimallakan mina na ngamin tolay,’ kunna haman, ammi pinagbalin muy garay ta pagkakampatan na magdarogas ikid na magswitik,” kunna tekid.

A ya tolay kiden nga imunnan tentu ikid na itta kiden ta gafan na a nagayayag kid na, “Madaydayaw ya Namaratu ewan. Bendisyonam, Afu, ya umange in sin nga pinakabarim.

“Bendisyonam, Afu, ya umange in nga magtogkok ta iturayan ni minakakayen Dabid. “Madaydayaw ya Namaratu nga kata-nangan na Dyos,” kunda ta pagayayag da.