Popular Bible Verses from Markus 10

Share

Te maski ya Tolayin taga Langit a bakkan ta yen ya umeyan ku ta isin petta makitagabu ya tolay kiden teyak, awa iyak ya magserbi tekid, a isagapil ku hapa ya angat ku tekid petta masaka na kid,” kunna tekid.

A nangita bit tekid kapye na tumabbag. “Awan pulus ta mabalin na tolay petta mekerutan mina, ammi itta ya mabalin na Namaratu, te intu ya makapangwa ta ngamin,” kunna.

A ya uhohug ni Hesus tentu a “Magdulot kan la ta eyam, te nagmappya kan gafu ta pangikatalak mu teyak,” kunna, a yen hapa ya nepakaita na, a dumagdag na hapa teg Hesus ta dalan.

A madi mantu am paggungayan tam ya pinagdagga na Namaratu,” kunna tekid.

A inaita la ni Hesus ta pangidduk na tentu, kapye na kinabida ta; “Itta para la ya takday pagkurangam,” kunna, “te em mina ilaku ya ngamin kiden kwam, a mangatad ka ta pobre kiden petta itta sangaw ya pagba-nangam nga mauknud ta agyan na Namaratu. A am mabalin kan a magtoli ka sangaw petta dumagdag kan teyak,” kunna.

“A anu hapa ya pakkwam teyak?” kun ni Hesus tentu. “Ay Afu, ipaitak ya awekin pakaita,” kunna hapa.

ammi awemuy mina makigitta ta isina kid, te ya mayat madayawan tekamuy a maguray mina makitagabu ta kahulun na kiden.

“A kakurugan hapa ya uhohug ku tekamuy ta am awemuy ikatalak ya pagtaron na Namaratu ta kuman na abbing a awemuy sangaw mesipat tentu,” kunna

Ammi ya kadwan kiden nga mapa-polu ta ayanin a mapozan kid sangaw, a ya kadwan kiden nga mapozan ta ayanin a mapolu kid sangaw,” kunna tekid.

ammi addet ta nepamadday na Namaratu ta napopolu kiden a bakkan haman ta kunna ten, te ya uhohug na suraten a ‘Pinadday na kid petta itta ya lalaki ikid na babbay. A yen ta makigungay ya lalaki ta dakal na kiden, te makidagga ta atawa na en, a ikwenta na Dyos ya duwa kiden ta tatakday la na tolay,’ kunna, A bakkan kid na mantu ta duwa na tolay, te tatakday kid na.