Popular Bible Verses from Juan 16

Share

Minikagi a kani diyà kenyo amon doen kelinaw te pedowan niyo tandà te pegpesakop niyo diyà kanak. Pengkey pemilangen kaw te otaw dini te keneyonan, meneng pegpekagsen kaw, so dinaeg ko se kedita te medaet dini te keneyonan.”

Meneng aw domateng se Espiritu Santo amon megtoladà te kebenalan, sikandin se megpetaga-taga kenyo te kedita te kebenalan. Eked din teboki se pegtoladà din kenyo, meneng kedita te intoladà te Amay ko kandin, yan se ikeliwat din heman kenyo. Iindan din heman kenyo aw eden se metoman domateng.

Lamig seini, wedà kaw pa pemoyò kandin pineokit te ngadan ko. Meneng lekat seini, pemoyò kaw kandin pineokit te ngadan ko, aw metoman kaw kominawà amon ontò kaw meluba.”

Meneng seini se kebenalan. Begayan kaw pa te kèpiya pineokit te pegkesayo ko, so simpana eked a kesayo, eked dateng se Teletabang diyà kenyo. Meneng aw mesayo a, somogò a kandin diyà kenyo. Aw domateng sikandin, ipetaga-taga din diyà te kedita te otaw tepad te salà, aw tepad te metòlid inang, aw tepad te pelumun.

Iling kaw heman kenyan, so pengkey melidò kaw den, meneng todà kaw komità kanak. Todà heman meluba se pedowan niyo, aw wedad otaw mekeabat te keluba kidoen kenyo. Aw metoman iyan, wedad keilangan te peg-insà niyo kanak aw eden se kedegdagan te inikagi ko. Eneng-enengi niyo se kagi ko seini. Aw doen pemoyoen niyo diyà te Amay ko pineokit te ngadan ko, yan se ibegay din kenyo.

Eneng-enengi niyo se ikegiyen ko den diyà kenyo. Megkelag aw megmatay kaw tepad kanak, meneng meluba se medaet otaw dini te keneyonan. Pengkey melidò kaw, meneng todà kaw meluba.