Popular Bible Verses from Genesis 21

Share

Nayan, tinoman te Timanem se impakang din, aw mèpiya se imbegay din diyà ki Sara.

Dinineg te Timanem se pegkelag te batà, aw minikagi se anghil te Timanem lekat te langit, “E Agar, nengà lay migkelag ka? Ikà egkelemitan. Dinineg te Timanem se pegkelag te batà no doton sida. Enaw ka den, aw doton ka te batà nikaw, aw sinelayi sikandin, so inangen ko dakel pongan se menge bowad-bowad din.”

Miglaman sikandin, aw tinebawan sikandin te batà meama i Abraham, pengkey temoay den sikandin. Timebaw se batà te aldaw tapay impakang te Timanem tepad kenyan.

Minikagi si Sara, “Binegayan a den te Timanem te keluba, aw yan egkebebayat a den. Mebebayat heman se kedita te otaw domineg tepad kani tandà te keluba dan.”

Meneng minikagi se Timanem diyà ki Abraham, “Ikà egkepuluk tepad te telaki aw allang no si Agar. Tolò ka te impunù i Sara kamno, so se menge bowad-bowad te batà no si Isaac, yan olò se eneng-enengen ko te ontò bowad-bowad nikaw.

Inangen ko heman dakel pongan se menge bowad-bowad te batà te allang, so batà no heman sikandin.”