Popular Bible Verses from Ñwaè' Ruêm 8

Share

Sèe rìŋ seenɛ Nyʉ̀ à gèe buu wɛɛwɛ ce vi koni à kʉtì ba rbòŋ nè bèe ce a kòŋ ye, ce yu bèe ce e kɛ' àmbò e m kòŋ à rgèe efa rkɛ̀'.

M rìŋ nè mini-ŋwɛ̀ enɛ yuu mo' yi yu ce àde' yi gapnì sèe efa rkòŋnì ce Nyʉ̀ kòŋ sèe na ka'. Kɛ̀ yu rkwe ɛ̀, kɛ̀ yu rlùŋ ɛ̀, kɛ̀ yu bcìndap Nyʉ̀, kɛ̀ yu mnyʉ̌mkà' ɛ̀, kɛ̀ yu buu ce vi yu àgho sè'ni na ɛ̀, kɛ̀ yu buu ce vi bii ka' ba ɛ̀, kɛ̀ njɛ̀ɛ ŋger kɛ ɛ̀, kɛ̀ yu ba vì embe bùu ɛ̀, kɛ̀ yu ba vì enjep mʉ̀ nshe ɛ̀, kɛ̀ yu ba yuu mo' efa buu ce Nyʉ̀ à m gèe ɛ̀, yuu mo' yi yu ce àde' yi gapnì sèe efa rkòŋnì ce Nyʉ̀ kòŋ sèe njo' Jisos Krǎis ce e yu Tata nè sèe nà ka'.

Yʉ' Nyʉ̀ foŋ yi ce jà' sèe ce sèe yu nè bsɛ̀-ŋwɛ̀, njobè' sèe rìŋ à rloo àmbò sèe à ba loo ka'. Yʉ' anà yi ke bu' mmbo nè Nyʉ̀ a sěe btù nè rwarŋgèr-ŋwɛ̀, à njì ce àde' ŋwɛ̀ laa ka'.

Àde' sèe ka' ker laa seekɛ àmbò sèe rìŋ buu ca na? Nyʉ̀ à ka' ba à mbèp yìsèe, ŋwɛ̀ ce àde' e ker gee yuu mo' nè sèe ba nda?

Banɛ bèe ce a Jisos Krǎis wèe a yu àbee a be kèr gwè mnsa' ka'

Ŋwɛ̀ à ka' lɛ ntee ba à yuu ce yì nyor kòŋ, banɛ e be kwe. Ŋwɛ̀ à ka' lɛ ntee ba à yuu ce Yʉ' Nyʉ̀ yi kòŋ, banɛ e be koni ryòŋ, cu nè rfʉtè-ŋwɛ̀.

À ka' ba àmbò buu ce vi koni wèr na, wèr à so vi wɛɛwɛ a misî, njo' ŋwɛ̀ ce e m kòŋ wèr.

Mɛ̀ yɛ mɛnɛ àde' sèe be'nì ŋgɛ' ce sèe ce yɛ sè'ni na à fòo ce sèe be kè sa' na ka'.

Ŋwɛ̀ ce àde' e gapnì sèe efa rkòŋnì ce Krǎis kòŋ sèe nà, yu nda? Yuu mo' yi yu ka', kɛ̀ sèe yu à ŋgɛ' ɛ̀, kɛ̀ buu à tap nè sèe se ɛ̀, kɛ̀ bèe a ce fa sèe ŋgɛ' ɛ̀, kɛ̀ njè ce yaŋ sèe ɛ̀, kɛ̀ sèe à buu bcɛ̀' ɛ̀, kɛ̀ yu rkwe ɛ̀, kɛ̀ bèe a ce yʉ sèe ɛ̀, àde' sèe Jisòs wèe gapnì ka'.

Nyʉ̀ ce e ke fyɛ' visèe mntee wɛɛwɛ rìŋ yuu ce Yʉ' yi ce kwà'shi, njobè' yʉ' yi ce bu' mmbo àtu bèe Nyʉ̀ à buu ce Nyʉ̀ kòŋ.

Bèe wɛɛwɛ ce Yʉ' Nyʉ̀ yi ce dùŋshi wowèe nduunjì, a yu boo Nyʉ̀.

Bèe ce a ce gèe ba yuu ce yàp nyor kòŋ, a ku ce kwà'shi ba àmbò yàp nyor. Bèe ce a ce gèe ba buu ce Yʉ' Nyʉ̀ yi kòŋ, a ku ce kwà'shi ba àmbò buu Nyʉ̀.

Nyʉ̀ à m kani efa rfa muu yì ka'. E m fa muu yì a sěe btù. E ka' fa muu yì, banɛ e be fa sèe buu wɛɛwɛ foŋ à cicì.

Yʉ' anà ba visèe mntee a ce dùŋshi enɛ sèe yu boo Nyʉ̀. Sèe à ka' ba boo banɛ sèe yu bèe ce sèe be ye bti'. Sèe yu ŋgǎa ye bti' Nyʉ̀. Sèe Jisos Krǎis wèe be ye bti' anà àbee. Sèe ka' yɛ ŋgɛ' sèe Jisòs wèe banɛ sèe wowèe be kè sa' fòo.

Ŋwɛ̀ à ka' lɛ ntee ba à yuu ce yì nyor kòŋ, banɛ ŋgàŋ be ba ŋwɛ̀ bbàa nè Nyʉ̀ njobè' e ce yu'ni nè mncir Nyʉ̀ ka'. Nè mini-ŋwɛ̀, e mòo à ryu'ni nè mncir anà làr.

Buu wɛɛwɛ ce Nyʉ̀ à m gèe vi cu a ce kè' nfè' ce Nyʉ̀ be gèe tɛ boo vi a yɛɛti.

Sèe rìŋ seenɛ buu wɛɛwɛ ce Nyʉ̀ à m gèe vi ce warŋger, a ce yu' ryaŋ àmbò njeŋwɛ̀ ce e ce luuti muu wa'a, vʉ ba' ntìni na.